Currency

ഗള്‍ഫ് നാടുകളില്‍ ബലി പെരുന്നാള്‍

സ്വന്തം ലേഖകന്‍Sunday, August 11, 2019 1:16 pm
prayer

ദുബായ്: സൗദി അറേബ്യയിലും ഒമാന്‍ ഒഴികെയുള്ള മറ്റ് ഗള്‍ഫ് രാജ്യങ്ങളിലും ഇന്ന് ബലി പെരുന്നാള്‍. ഹജ്ജിന്റെ സുപ്രധാന ചടങ്ങായ അറഫ സംഗമം ഇന്നലെയായിരുന്നു. ഹാജിമാര്‍ അറഫയില്‍ സംഗമിച്ചപ്പോള്‍ ഐക്യദാര്‍ഢ്യം പ്രഖ്യാപിച്ച് വിശ്വാസികള്‍ വ്രതമനുഷ്ഠിച്ചു.

രാവിലെ പെരുന്നാള്‍ നമസ്‌കാരത്തിനായി വിശ്വാസികള്‍ പള്ളികളിലും ഈദ് ഗാഹുകളിലും ഒരുമിച്ചുകൂടി. പരസ്പരം ആശംസകള്‍ അറിയിച്ച് സന്തോഷം പങ്കിട്ടപ്പോള്‍ സ്വന്തം നാടിന്റെ വേദനകളാണ് പ്രവാസികളുടെ മനസില്‍ മുഴുവന്‍. നീണ്ട അവധിക്ക് നാട്ടിലെത്താന്‍ നേരത്തെ ടിക്കറ്റ് ബുക്ക് ചെയ്ത് കാത്തിരിക്കുകയായിരുന്ന പലര്‍ക്കും വിമാനങ്ങള്‍ റദ്ദാക്കപ്പെട്ടതുകാരണം അത് സാധിച്ചിട്ടില്ല. പലര്‍ക്കും ഉറ്റവരുമായി ഫോണില്‍ പോലും ബന്ധപ്പെടാന്‍ കഴിയാതെ ആശങ്കയിലുമായിരുന്നു. ഉറ്റവരെ നഷ്ടമായ വേദനയില്‍ നീറിപ്പുകയുന്നവരുമുണ്ട്.

ദുരിതത്തില്‍ നിന്ന് നാടിനെ കരകയറ്റണമെന്ന പ്രാര്‍ത്ഥനയാണ് പെരുന്നാള്‍ ആഘോഷിക്കുമ്പോഴും പ്രവാസികളുടെ മനസില്‍. ഒമാനില്‍ നാളെയാണ് ബലി പെരുന്നാള്‍.


പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.

Leave a Comment

Your email address will not be published. Required fields are marked *

Top
x