അബൂദബി: യു.എ.ഇ സ്വദേശികള്ക്ക് ഇന്ത്യയിലേക്ക് വരാന് ഇനി അഞ്ചുവര്ഷത്തെ മള്ട്ടിപ്പിള് എന്ട്രി വിസ ലഭ്യമാക്കും. അഞ്ചുവര്ഷത്തെ ടൂറിസ്റ്റ് വിസയും, ബിസിനസ് വിസയുമാണ് ലഭ്യമാക്കുക. വിസക്ക് അപേക്ഷിക്കുന്നവരുടെ വിരലടയാള പരിശോധനക്കായി അബൂദബിയിലെ ഇന്ത്യന് എംബസിയിലും, ദുബായിലെ കോണ്സുലേറ്റിലും പ്രത്യേക സൗകര്യം ഏര്പ്പെടുത്തും. സ്വാതന്ത്ര്യദിന ആഘോഷത്തിനിടെ യു.എ.ഇയിലെ ഇന്ത്യന് അംബാസഡറാണ് ഇക്കാര്യം അറിയിച്ചത്.
ഈ കാലയളവില് എത്ര തവണവേണമെങ്കിലും ഇവര്ക്ക് ഇന്ത്യയിലെത്താമെന്ന് അംബാസഡര് നവ്ദീപ്സിങ് സൂരി വിശദീകരിച്ചു. ഇന്ത്യയിലേക്ക് സ്ഥിരമായി യാത്രചെയ്യേണ്ടി വരുന്ന യു.എ.ഇ പൗരന്മാര്ക്ക് ഓരോ തവണയും വിസക്ക് അപേക്ഷിക്കേണ്ട തടസം ഇതോടെ ഇല്ലാതാവും. ജോലിനഷ്ടപ്പെട്ടവരും ശമ്പളം ലഭിക്കാത്തവരുമായ പ്രവാസികളുടെ പ്രശ്നങ്ങള് പരിഹരിക്കാന് യു.എ.ഇ സര്ക്കാറും, കോടതികളുമായി എംബസി സഹകരിച്ച് പ്രവര്ത്തിക്കുമെന്നും അംബാസഡര് പറഞ്ഞു.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.