Currency

ട്രയിന്‍ ടിക്കറ്റ് ഓണ്‍ലൈനായി ബുക്ക് ചെയ്യുന്നവര്‍ക്ക് സന്തോഷവാര്‍ത്ത

സ്വന്തം ലേഖകന്‍Wednesday, September 5, 2018 12:09 pm
irctc-train-ticket
Norway Nomination

തിരുവനന്തപുരം: ട്രയിന്‍ ടിക്കറ്റ് ഓണ്‍ലൈനായി ബുക്ക് ചെയ്യുന്നവര്‍ക്ക് സന്തോഷവാര്‍ത്ത. ഐആര്‍സിടിസി വെബ്സൈറ്റ് വഴിയോ ആപ്ലിക്കേഷന്‍ വഴിയോ ബുക്ക് ചെയ്യുന്നവര്‍ക്ക് 10 ശതമാനം പണം കാഷ്ബാക്കായി ലഭിക്കുമെന്നതാണ് ശുഭവാര്‍ത്ത. പേടിഎം, മൊബിക്വിക്ക് പേമെന്റ് പ്ലാറ്റ്ഫോമുകള്‍ വഴി പണം കൈമാറുമ്പോഴാണ് ടിക്കറ്റ് നിരക്കില്‍ ഇളവ് ലഭിക്കുക.

മൊബി ക്വിക്ക് വഴി ട്രെയിന്‍ ടിക്കറ്റ് ബുക്ക് ചെയ്താല്‍ 10 ശതമാനം തുക ലാഭിക്കാം. പേടിഎം ഉപയോഗിച്ച് ട്രെയിന്‍ ടിക്കറ്റ് ബുക്ക് ചെയ്താല്‍ 100 രൂപവരെ കാഷ്ബാക്ക് ലഭിക്കും. ഫ്ളിപ്കാര്‍ട്ടിന്റെ ഫോണ്‍പേ വഴി ബുക്ക് ചെയ്താലും 100 രൂപയുടെ കാഷ്ബാക്ക് ഓഫറുണ്ട്. ആദ്യ രണ്ട് ട്രാന്‍സാക്ഷനുകളില്‍ ഫോണ്‍ പേ 50 രൂപവീതം ഇളവ് നല്‍കുകയും ചെയ്യും.

ടിക്കറ്റ് ബുക്ക് ചെയ്യുമ്പോള്‍ ആനുകൂല്യം ലഭിക്കാന്‍

* ആദ്യം ഐആര്‍സിടിസി വെബ്സൈറ്റോ(irctc.co.in) ആപ്ലിക്കേഷനോ തുറക്കുക

* യൂസര്‍ നെയിമും പാസ്വേഡും നല്‍കി ലോഗിന്‍ ചെയ്യുക

* യാത്രയുടെ വിവരങ്ങള്‍ നല്‍കുക.

* കാപ്ച കോഡ് അടിച്ച ശേഷം പേമെന്റ് മോഡില്‍ ഇ വാലറ്റ് ഓപ്ഷന്‍ തെരഞ്ഞെടുക്കുക

* വാലറ്റ് വിഭാഗത്തില്‍ നിന്നും പേടിഎം, ഫ്രീചാര്‍ജ്ജ്, മൊബിക്വിക് എന്നിവയിലേതെങ്കിലും തെരഞ്ഞെടുത്ത് ടിക്കറ്റ് ബുക്ക് ചെയ്യുക.


പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.

Leave a Comment

Your email address will not be published. Required fields are marked *

Top
x