ഗർഷോം
ചിക്കാഗോ: ചിക്കാഗോ മലയാളി അസോസിയേഷന്റെ ഈ വര്‍ഷത്തെ ഓണാഘോഷം സെപ്റ്റംബര്‍ 10 ശനിയാഴ്ച നടക്കും. താഫ്റ്റ് ഹൈസ്കൂള്‍ ഓഡിറ്റോറിയത്തില്‍ വൈകുന്നേരം 4 മുതല്‍ 10 വരെയാണ് വിവിധ പരിപാടികളോടെ ഓണാഘോഷം നടത്തപ്പെടുന്നത്.
അമേരിക്കയില്‍ ഏറ്റവും കൂടുതൽ മലയാളികൾ ഒത്തുചേരുന്ന ഓണാഘോഷമാണ് എല്ലാ വർഷവും ചിക്കാഗോ മലയാളി അസോസിയേഷന്‍ സംഘടിപ്പിച്ചുവരുന്നത്. വൈകുന്നേരം 4 മുതല്‍ 6 വരെയാണ് ഓണസദ്യ ഒരുക്കിയിരിക്കുന്നത്. ഈ വർഷം കൂടുതല്‍ വിപുലമായ പരിപാടികളോടെയാണ് ഓണാഘോഷം നടക്കുന്നതെന്ന് പ്രസിഡന്റ് ടോമി അംബേനാട്ടും, സെക്രട്ടറി ബിജി സി. മാണിയും, ഓണാഘോഷ കമ്മിറ്റി കണ്‍വീനര്‍ സ്റ്റാന്‍ലി കളരിക്കമുറിയും അറിയിച്ചു.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.