ഹോംസ്റ്റേകള്‍ക്ക് 6% ടൂറിസം ഫീസ് ഏര്‍പ്പെടുത്തി അബുദാബിയില്‍ ഹോളിഡേ ഹോംസ് നിയമം പരിഷ്‌കരിച്ചു. അബുദാബി എക്‌സിക്യൂട്ടീവ് കൗണ്‍സിലാണ് ഇതുസംബന്ധിച്ച ഉത്തരവിറക്കിയത്. നിലവാരം അനുസരിച്ച് വിവിധ വിഭാഗങ്ങളാക്കി തിരിക്കുന്ന ഹോംസ്റ്റേകള്‍ക്ക് ലൈസന്‍സും നിര്‍ബന്ധമാക്കിയിട്ടുണ്ട്. ലോകോത്തര ടൂറിസം നഗരമാക്കി അബുദാബിയെ മാറ്റുന്നതിന്റെ ഭാഗമായാണ് പരിഷ്‌കാരം.
ഗുരുതര രോഗങ്ങള്‍ക്ക് ഉള്‍പ്പെടെയുള്ള മരുന്നുകള്‍ക്ക് രണ്ട് മുതല്‍ 74 ശതമാനം വരെ വില കുറയും. ആരോഗ്യ- പ്രതിരോധ മന്ത്രാലയമാണ് ഇത് സംബന്ധിച്ച തീരുമാനമെടുത്തത്. 97 മരുന്നു കമ്പനികളുമായി സഹകരിച്ചാണ് ഇത് നടപ്പാക്കുന്നത്. പ്രാദേശിക കമ്പനികളും അന്താരാഷ്ട്ര മരുന്ന് നിര്‍മാതാക്കളും ഇവയില്‍ ഉള്‍പ്പെടുന്നു.
2019 ഡിസംബര്‍ 22 മുതല്‍ 2020 ഡിസംബര്‍ 22 വരെയുള്ള കാലയളവിലെ പിഴകള്‍ക്കാണു 35 ശതമാനം ഇളവ് ലഭിക്കുക. പിഴ ലഭിച്ചു 60 ദിവസത്തിനകം മുഴുവന്‍ തുകയും അടയ്ക്കുന്നവര്‍ക്കാണ് ആനുകൂല്യം.
യുഎഇയില്‍ ഒരാള്‍ക്കു കൂടി കൊറോണ വൈറസ് സ്ഥിരീകരിച്ചു. ഇതോടെ കൊറോണ വൈറസ് ബാധിതരുടെ എണ്ണം ഒന്‍പതായി. ഇതില്‍ 3 പേര്‍ രോഗം പൂര്‍ണമായി മാറി ആശുപത്രി വിട്ടിരുന്നു.
കനത്ത മൂടല്‍മഞ്ഞ് രൂപപ്പെടുന്നതിനാല്‍ റോഡുകളില്‍ ദൂരക്കാഴ്ച തടസപ്പെടാന്‍ സാധ്യതയുണ്ടെന്ന് യുഎഇ ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു. വാഹനങ്ങള്‍ ഓടിക്കുന്നവര്‍ ജാഗ്രത പാലിക്കണമെന്നും ഗതാഗത നിയമങ്ങള്‍ കര്‍ശനമായി പാലിക്കണമെന്നും അധികൃതര്‍ അറിയിച്ചിട്ടുണ്ട്.
സ്‌കൂളുകള്‍ ഗൃഹപാഠം നല്‍കുന്നത് ഒഴിവാക്കാന്‍ വിദ്യാഭ്യാസ മന്ത്രാലയം തീരുമാനിച്ചു. യു.എ.ഇയിലെ 256 സര്‍ക്കാര്‍ സ്‌കൂളുകളിലാണ് ഹോം വര്‍ക്കിന് നിരോധനം വിലവില്‍ വരിക. സര്‍ക്കാര്‍ നേരിട്ട് നടത്തുന്ന അബൂദബിയിലെ 233 സ്‌കൂളുകളിലും ദുബായിലെ 23 സ്‌കൂളുകള്‍ക്കുമാണ് ഇത് ബാധമകാവുക. ഈ മാസം 16 മുതല്‍ ഹോംവര്‍ക്കിന് ഏര്‍പ്പെടുത്തിയ വിലക്ക് നിലവില്‍ വരും.
നേരത്തെ കൊറോണ സ്ഥിരീകരിച്ചവരുമായുള്ള സമ്പര്‍ക്കത്തിലൂടെയാണ് ഇന്ത്യക്കാരന് രോഗം പിടികൂടിയത്. ആവശ്യമായ പരിചരണം ഉറപ്പാക്കിയിട്ടുണ്ട്. ഇന്ത്യക്കാരന്റെ ആരോഗ്യനില മെച്ചപ്പെട്ടതായും അധികൃതര്‍ വ്യക്തമാക്കുന്നു. രോഗിയുടെ മറ്റു വിവരങ്ങളൊന്നും പുറത്തുവിട്ടിട്ടില്ല. രാജ്യത്തിനു വെളിയില്‍ ഇന്ത്യക്കാരന് കൊറോണ സ്ഥിരീകരിക്കുന്നത് ഇതാദ്യമാണ്.
അബുദാബിയിലെ ചില സ്വകാര്യ സ്‌കൂളുകള്‍ക്ക് ഇന്നുമുതല്‍ ഫെബ്രുവരി 13 വരെ അവധി പ്രഖ്യാപിച്ചു. അക്കാദമിക വര്‍ഷത്തിന്റെ തുടക്കത്തില്‍ തന്നെ അബുദാബി എജ്യുക്കേഷന്‍ ആന്റ് നോളജ് ഡിപ്പാര്‍ട്ട്‌മെന്റിന്റെ പ്രത്യേക അനുമതി വാങ്ങിയിട്ടുള്ള സ്‌കൂളുകള്‍ക്ക് മാത്രമാണ് ഇപ്പോഴത്തെ മിഡ് ടേം ബ്രേക്ക് ബാധകമാവുന്നത്. മറ്റ് സ്‌കൂളുകള്‍ സാധാരണ പോലെ പ്രവര്‍ത്തിക്കും.
ജലസംരക്ഷണത്തിന്റെ പ്രാധാന്യം വിളംബരം ചെയ്ത് അബുദാബി ഇന്ത്യന്‍ സ്‌കൂള്‍ വിദ്യാര്‍ഥികള്‍ മനുഷ്യ ചങ്ങല സൃഷ്ടിച്ചു. ‘ഹോള്‍ഡ് ദ ഡ്രോപ്പ്, വാട്ടര്‍ സേവ്’ എന്ന മുദ്രാവാക്യവുമായി വിദ്യാര്‍ഥികളും അധ്യാപകരും രക്ഷിതാക്കളും ഉള്‍പ്പെടെ ആറായിരത്തിലേറെ പേരാണ് ജലസംരക്ഷണ വിളംബര പരിപാടിയില്‍ പങ്കുചേര്‍ന്നത്. സ്വദേശികളെയും വിദേശികളെയും ഒരുപോലെ ആകര്‍ഷിക്കുന്നതായി ചടങ്ങ്.
യു.എ.ഇയില്‍ രണ്ട് പേര്‍ക്ക് കൂടി കൊറോണ സ്ഥിരീകരിച്ചു. ഇതോടെ യു.എ.ഇയില്‍ കൊറോണ വൈറസ് ബാധിച്ചവരുടെ എണ്ണം 7 ആയി. ചൈനയില്‍ കൊറോണ ബാധിച്ച് മരിച്ചവരുടെ എണ്ണം 724 ആയി. 3399 പേര്‍ക്ക് കൂടി പുതുതായി രോഗം സ്ഥിരീകരിച്ചിട്ടുമുണ്ട്. ഇതോടെ രോഗം ബാധിച്ചവരുടെ എണ്ണം 34,546 ആയി.
