കോവിഡ് വാക്‌സീന്‍ രണ്ടാമത്തെ ഡോസ് സ്വീകരിക്കുന്നതിനുള്ള കാലദൈര്‍ഘ്യം ആരോഗ്യമന്ത്രാലയം പുനക്രമീകരിച്ചു. ഫൈസര്‍, ആസ്ട്രസെനിക വാക്‌സീനുകളുടെ ദൗര്‍ലഭ്യമാണ് കാരണം. ഫൈസര്‍ വാക്‌സീന്‍ രണ്ടാം ഡോസ് നിലവില്‍ 3 ആഴ്ചകള്‍ക്ക് ശേഷം എന്നത് 6 ആഴ്ചയാക്കി മാറ്റി.
ആരോഗ്യ സംരക്ഷണ നടപടികള്‍ പൂര്‍ത്തീകരിച്ച ശേഷമായിരിക്കും സ്‌കൂളുകള്‍ തുറക്കുകയെങ്കിലും കുട്ടികളുടെ ബാഹുല്യം അധികൃതരില്‍ ആശങ്കയുളവാക്കുന്നു. ഈ സാഹചര്യത്തിലാണ് അത്തരം സ്‌കൂളുകളുടെ പ്രവര്‍ത്തനം 2 ഷിഫ്റ്റുകളിലാക്കാനുള്ള നീക്കം. രാവിലെ 7.30ന് തുടങ്ങി 11 വരയും 12ന് തുടങ്ങി വൈകിട്ട് 3.30 വരെയുമാകും ഷിഫ്റ്റുകള്‍. ഒരു പീരിയഡ് 35 മിനിറ്റില്‍ കവിയരുതെന്നും നിര്‍ദേശമുണ്ടാകും.
വിദേശികള്‍ക്ക് കുവൈത്തില്‍ നിന്ന് പുറത്ത് പോകാന്‍ അനുമതിയുണ്ടായിരിക്കുമെന്നു സര്‍ക്കാര്‍ വക്താവ് താരീഖ് അല്‍ മുസറം അറിയിച്ചു. 2 ഡോസ് കോവിഡ് വാക്‌സീന്‍ എടുക്കാത്ത സ്വദേശികള്‍ രാജ്യത്തിന് പുറത്തേക്ക് പോകുന്നത് വിലക്കാനും പ്രധാനമന്ത്രി ഷെയ്ഖ് സബാഹ് ഖാലിദ് അല്‍ ഹമദ് അല്‍ സബാഹിന്റെ അധ്യക്ഷതയില്‍ ചേര്‍ന്ന യോഗം തീരുമാനിച്ചു.
പതിവ് വിമാന സര്‍വീസ് നിലവില്‍ ഇല്ലാത്തതിനാല്‍ കുവൈത്ത് അധികൃതര്‍ നിര്‍ണയിച്ച വിഭാഗങ്ങള്‍ക്ക് മാത്രമേ നിലവില്‍ പ്രവേശനം അനുവദിച്ചിട്ടുള്ളൂ. ആരോഗ്യമന്ത്രാലയം ജീവനക്കാര്‍, ഗാര്‍ഹിക തൊഴിലാളികള്‍, നയതന്ത്രാലയം ഉദ്യോഗസ്ഥര്‍ തുടങ്ങിയവരാണ് നിലവില്‍ പ്രവേശനാനുമതിയുള്ളവര്‍. ആ വിഭാഗത്തിലാണ് അധ്യാപകരെകൂടി ഉള്‍പ്പെടുത്തിയിട്ടുള്ളത്.
വേദന സംഹാരികളായ ലിറിക (Lyrica), ന്യൂറൊന്‍ടിന്‍ (Neurontin) എന്നീ മരുന്നുകള്‍ ഡോക്ടറുടെ കുറിപ്പടിയില്ലാതെ ഉപയോഗിക്കുന്നവര്‍ 5 വര്‍ഷം വരെ തടവ് അനുഭവിക്കേണ്ടി വരുമെന്ന് ആഭ്യന്തരമന്ത്രാലയം. നിരോധിക്കപ്പെട്ട ഈ മരുന്നുകള്‍ വില്‍പന നടത്തുന്നവര്‍ക്ക് 10 വര്‍ഷം വരെ തടവ് ഉണ്ടാകും.
അറുപതു വയസിനുമുകളില്‍ പ്രായമുള്ള ബിരുദമില്ലാത്ത വിദേശികള്‍ക്കു തൊഴില്‍ പെര്‍മിറ്റ് പുതുക്കി നല്‍കില്ലെന്ന തീരുമാനത്തില്‍ മാറ്റമില്ലെന്ന് കുവൈത്ത് മാനവ വിഭവശേഷി അതോറിറ്റി. ഉത്തരവില്‍ ഭേദഗതി വരുത്തിയതായി വാര്‍ത്തകള്‍ പ്രചരിച്ച പശ്ചാത്തലത്തിലാണ് അധികൃതര്‍ നയം വ്യക്തമാക്കിയത്.
ഫൈസര്‍ ബയോടെക്, ആസ്ട്രസെനിക ഓക്‌സ്ഫഡ്, മൊഡേണ, ജോണ്‍സന്‍ ആന്‍ഡ് ജോണ്‍സന്‍ എന്നിവയാണ് കുവൈത്ത് അംഗീകരിച്ചിട്ടുള്ള വാക്‌സീനുകള്‍. പുതുതായി അംഗീകാരം നല്‍കുന്നവയുണ്ടെങ്കില്‍ യഥാസമയം പട്ടിക പുതുക്കുമെന്നും അധികൃതര്‍ അറിയിച്ചിട്ടുണ്ട്.
ഇന്ത്യയില്‍ നിന്ന് സമ്പൂര്‍ണ യാത്രാവിലക്ക് ഏര്‍പ്പെടുത്തി കുവൈത്ത്. രാജ്യത്തു നിന്നുള്ള വിമാനങ്ങള്‍ക്കാണു പൂര്‍ണമായും വിലക്ക് ഏര്‍പ്പെടുത്തിയിരിക്കുന്നത്. പ്രത്യേക വിമാനങ്ങള്‍ക്കും കുവൈത്തില്‍ പ്രവേശിക്കാന്‍ അനുമതിയുണ്ടാകില്ല. ഇന്ത്യയ്ക്കു പുറമെ മറ്റ് 33 രാജ്യങ്ങള്‍ക്കും നേരത്തെ തന്നെ വിലക്ക് ഏര്‍പ്പെടുത്തിയിരുന്നു.
കുവൈത്തില്‍ 65 വയസ്സിനു മുകളില്‍ പ്രായമുള്ളവര്‍ക്ക് മുന്‍കൂര്‍ അപ്പോയ്‌മെന്റ് എടുക്കാതെ കോവിഡ് വാക്‌സിന്‍ എടുക്കാം. 65 വയസ്സു കഴിഞ്ഞ ആര്‍ക്കും ഓണ്‍ലൈന്‍ അപ്പോയ്‌മെന്റ് എടുക്കാതെ തന്നെ നേരിട്ട് വാക്‌സിനേഷന്‍ കേന്ദ്രത്തില്‍ എത്തി കോവിഡ് പ്രതിരോധ വാക്‌സിന്‍ എടുക്കാവുന്നതാണ്. ഇക്കാര്യത്തില്‍ സ്വദേശി വിദേശി വ്യത്യാസം ഉണ്ടാകില്ല.
കര്‍ഫ്യൂ ലംഘിക്കുന്നവര്‍ നിയമനടപടി നേരിടേണ്ടിവരുമെന്ന് ആഭ്യന്തര മന്ത്രാലയം. സ്വദേശികളും വിദേശികളുമടക്കം വ്യക്തികളും സ്ഥാപനങ്ങളും നടപടിക്ക് വിധേയരാകുമെന്നും മന്ത്രാലയം മുന്നറിയിപ്പ് നല്‍കി. രാജ്യത്തിന്റെ വിവിധ ഭാഗങ്ങളില്‍ പരിശോധന കര്‍ശനമാക്കാന്‍ മന്ത്രാലയം നിര്‍ദേശം നല്‍കിയിട്ടുണ്ട്.
