സികെജിഎസ് വെബ്‌സൈറ്റിലൂടെ അപേക്ഷ സമര്‍പ്പിക്കേണ്ട അവസാന ദിവസം ഒക്ടോബര്‍ 14 നാണ്. ഒക്ടോബര്‍ 19 മുതല്‍ പുതിയ ഔട്ട്‌സോഴ്‌സിങ് ഏജന്‍സിയായ വിഎഫ്എസ് ഗ്ലോബല്‍ ആയിരിക്കും തുടര്‍ന്നുള്ള വീസ, ഒസിഐ എന്നിവയുടെ ചുമതല വഹിക്കുക. നവംബര്‍ 2 മുതല്‍ ഈ ഏജന്‍സി പ്രവര്‍ത്തന നിരതമാകും.
എച്ച് 1 ബി വീസ പ്രോഗ്രാം നിയന്ത്രണത്തിന്റെ ഭാഗമായി ആര്‍ക്കാണ് വീസ നേടാനാകുക, അവര്‍ക്ക് എത്ര തുക അപേക്ഷാ ഫീസ് ഇനത്തില്‍ നല്‍കേണ്ടി വരും എന്നതിനെക്കുറിച്ചുള്ള പുതിയ നിയമങ്ങള്‍ ഉടന്‍ പുറത്തിറക്കുമെന്ന് ആഭ്യന്തര സുരക്ഷാ വകുപ്പും (Department of Homeland Security) തൊഴില്‍ വകുപ്പ് ഉദ്യോഗസ്ഥരും അറിയിച്ചു.
നവംബര്‍ 3ന് നടക്കുന്ന യുഎസ് പൊതുതിരഞ്ഞെടുപ്പില്‍ രാജ്യത്തിനു വെളിയില്‍ താമസിക്കുന്ന ഇന്ത്യന്‍ അമേരിക്കന്‍ പൗരന്മാര്‍ക്ക് വോട്ട് ചെയ്യാന്‍ അവസരം. സെപ്റ്റംബര്‍ 18ന് മുന്‍പ് ഇവര്‍ ബാലറ്റ് പേപ്പറിനുള്ള അപേക്ഷ സമര്‍പ്പിച്ചിരിക്കണം.
ഒക്കലഹോമ സിറ്റിയിലുള്ളവര്‍ മാസ്‌ക് ധരിക്കുന്നത് നിര്‍ബന്ധിമാക്കിക്കൊണ്ടുള്ള ഓര്‍ഡിനന്‍സിന് അംഗീകാരം. പൊതുസ്ഥലങ്ങളിലും ഇന്‍ഡോറിലും പതിനൊന്ന് വയസ്സിനു മുകളിലുള്ള എല്ലാവരും മാസ്‌ക് ധരിക്കണം. കഴിഞ്ഞ ദിവസം ചേര്‍ന്ന സിറ്റി കൗണ്‍സില്‍ യോഗത്തിലാണ് ഓര്‍ഡിനന്‍സ് അംഗീകരിച്ചത്. ഒക്ടോബര്‍ 20 വരെ ഉത്തരവിന് പ്രാബല്യം ഉണ്ടായിരിക്കുമെന്ന് സിറ്റി കൗണ്‍സില്‍ അറിയിച്ചു.
ഹാരിസ് കൗണ്ടിയില്‍ ഫെയ്‌സ് മാസ്‌ക് ഉത്തരവ് ഓഗസ്റ്റ് 26ന് അവസാനിച്ചുവെങ്കിലും വീണ്ടും പതിനാലു ദിവസത്തേക്ക് കൂടി നിര്‍ബന്ധമാക്കികൊണ്ട് ഹാരിസ് കൗണ്ടി ജഡ്ജ് ലിന ഹിഡല്‍ഗൊ പുതിയ ഉത്തരവിട്ടു. കൗണ്ടിയിലെ എല്ലാ ജീവനക്കാരും, കസ്റ്റമേഴ്‌സും ഫെയ്‌സ് മാസ്‌ക് ധരിക്കണമെന്നും ഉത്തരവില്‍ വ്യക്തമാക്കിയിട്ടുണ്ട്. ഹാരിസ് കൗണ്ടിയില്‍ താമസിക്കുന്നവര്‍ക്കും ഉത്തരവ് ബാധകമാണ്.
കാലതാമസം വരുത്താതെ എല്ലാവരും അടിയന്തരമായി ഫ്‌ലു ഷോട്ട് എടുക്കണമെന്ന് സിഡിസി ഡയറക്ടര്‍ ഡോ. റോബര്‍ട്ട് റെഡ് ഫില്‍ഡ്. കൊറോണ വൈറസും ഇന്‍ഫ്‌ലുവന്‍സയും സജീവമായി നില്‍ക്കുമ്പോള്‍ ഇതിനെ അല്‍പമെങ്കിലും തടയുന്നതിന് ഫ്‌ലു വാക്‌സിനാകുമെന്നും ഡയറക്ടര്‍ പറഞ്ഞു. ഇതു സംബന്ധിച്ചു പ്രസ്താവന ഓഗസ്റ്റ് 24നാണ് സിഡിസി പുറത്തുവിട്ടത്.
ഡെമോക്രാറ്റിക് പാര്‍ട്ടി കണ്‍വെന്‍ഷന്റെ മൂന്നാം ദിനത്തില്‍ മുന്‍ പ്രസിഡന്റ് ബറാക് ഒബാമ, മുന്‍ പ്രസിഡന്റ് സ്ഥാനാര്‍ത്ഥി ഹിലരി ക്ലിന്റണ്‍ എന്നിവരുടെ സാന്നിധ്യത്തിലാണ് കമലയുടെ സ്ഥാനാര്‍ത്ഥി പ്രഖ്യാപനമുണ്ടായത്. ജോ ബൈഡനാണ് ഡെമോക്രാറ്റിക് പാര്‍ട്ടിയുടെ പ്രസിഡന്റ് സ്ഥാനാര്‍ത്ഥി.
ഇന്ത്യന്‍ വംശജയായ കമല ഹാരിസ് അമേരിക്കന്‍ വൈസ് പ്രസിഡന്റ് സ്ഥാനാര്‍ഥി. പ്രസിഡന്റ് സ്ഥാനാര്‍ഥി ജോ ബൈഡന്‍ കമലയുടെ പേര് നിര്‍ദേശിച്ചു. നിലവില്‍ കാലിഫോര്‍ണിയയിലെ സെനറ്ററാണ് കമല ഹാരിസ്. അമേരിക്കയുടെ ഭരണ തലപ്പത്തേക്ക് മല്‍സരിക്കുന്ന ആദ്യ ഏഷ്യന്‍ അമേരിക്കന്‍ വംശജയുമാകും കമല.
ഇന്ത്യയുള്‍പ്പെടെയുളള രാജ്യങ്ങളില്‍ നിന്ന് തൊഴില്‍ ആവശ്യങ്ങള്‍ക്ക് യുഎസില്‍ എത്തുന്നവര്‍ക്ക് അനുവദിക്കുന്ന എച്ച് 1ബി വിസയുടെ അപേക്ഷാ ഫീസ് 21 ശതമാനവും എല്‍ 1ബി വിസയുടെ അപേക്ഷാ ഫീസ് 75 ശതമാനവുമാണ് വര്‍ധിപ്പിച്ചത്. ഇതോടെ എച്ച് 1ബി വിസയ്ക്കുള്ള അപേക്ഷ തുക നിലവിലുള്ള 460 ഡോളറില്‍ നിന്ന് 555 ഡോളറായി ഉയരും.
അതിവിദഗ്ധ തൊഴിലാളികള്‍ക്കുള്ള H1B വീസകള്‍, ഹ്രസ്വകാല തൊഴിലാളികള്‍ക്കുള്ള H2B വീസകള്‍, കമ്പനി മാറ്റത്തിനുള്ള L1 വീസകള്‍ എന്നിവയാണ് വിലക്കിയത്. ഇപ്പോള്‍ അമേരിക്കയിലുള്ളവര്‍ക്ക് വിലക്ക് ബാധകമല്ല. ഈ മാസംവരെ വിസകള്‍ വിലക്കി നേരത്തെ പ്രസിഡന്റ് ട്രംപ് ഉത്തരവിട്ടിരുന്നു. ഈ വിലക്ക് ഈ വര്‍ഷം മുഴുവന്‍ നീട്ടിക്കൊണ്ടുള്ള പുതിയ ഉത്തരവാണ് പുറത്തിറക്കിയിരിക്കുന്നത്.
