നോർക്ക ഇൻഷുറൻസ് കാർഡിനുള്ള രജിസ്‌ട്രേഷൻ ഫീസ് പണമായി സ്വീകരിക്കും

രണ്ടു വർഷത്തിലധികമായി കേരളത്തിന് പുറത്തു താമസിക്കുന്ന മലയാളികൾക്കു ഇൻഷുറൻസ് പദ്ധതിക്കുള്ള അപേക്ഷ ഫീസ് ഇനിമുതൽ പണമായി സ്വീകരിക്കും. മുൻപ് അപേക്ഷ ഫീസായ 300 രൂപ ഡി ഡി ആയി അപേക്ഷയോടൊപ്പം സമർപ്പിക്കണമായിരുന്നു. ഐ ഡി കാർഡിനുള്ള അപേക്ഷ നോർക്ക റൂട്സിന്റെ ഓഫീസുകളിൽ നേരിട്ടും പ്രതിനിധി വശവും സമർപ്പിക്കാവുന്നതാണ്. ഐ ഡി കാർഡ് ലഭിക്കുന്നവർക്ക് അപകടം മൂലം സ്ഥിര അംഗവൈകല്യം / മരണം എന്നിവ ഉണ്ടായാൽ രണ്ടു ലക്ഷം രൂപ വരെ ഇൻഷുറൻസ് പരിരക്ഷ ലഭിക്കുന്നതാണ്.

പുതുതായി അപേക്ഷിക്കുന്നവർ ആധാർ / ഇലക്ഷൻ ഐ ഡി കാർഡ്/ പാസ്പോര്ട്ട്, 2 ഫോട്ടോ, കേരളത്തിന് പുറത്തു താമസിക്കുന്നത് സമ്പത്തിച്ചുള്ള രേഖ (കേരളത്തിന് പുറത്തെ അഡ്രസ് തെളിയിക്കുന്ന രേഖ / വിസ) എന്നിവ പൂരിപ്പിച്ച അപേക്ഷയോടൊപ്പം സമർപ്പിക്കണം. രേഖകളുടെ കോപ്പിയോടൊപ്പം ഒറിജിനൽ കൂടി ഉണ്ടായിരിക്കണം. മുൻപ് അംഗത്വ കാർഡ് ലഭിച്ചിട്ടുള്ളവർ അത് പുതുക്കുന്നതിന് ഒരു ഫോട്ടോയും ഐ ഡി കാർഡും അപേക്ഷയോടൊപ്പം നൽകിയാൽ മതിയാകും. മൂന്നു വർഷമാണ് ഐ ഡി കാർഡിന്റെ കാലാവധി.

അംഗത്വ കാർഡിനുള്ള അപേക്ഷ ഫോറം നോർക്ക റൂട്സിന്റെ ഓഫീസുകൾ, കേരളത്തിന് പുറത്തുള്ള സാറ്റലൈറ്റ് ഓഫീസുകൾ എന്നിവടങ്ങളിൽ നിന്നും ലഭിക്കുന്നതാണ്. www.norkaroots.net എന്ന വെബ്‌സൈറ്റിൽ നിന്ന് അപേക്ഷ ഫോറം ഡൌൺലോഡ് ചെയ്തെടുക്കുന്നതിനും സൗകര്യം ഉണ്ട്.