പൊതുജനങ്ങള്‍ രക്തദാനത്തിനായി മുന്നോട്ട് വരണമെന്ന് ഒമാന്‍ ആരോഗ്യ മന്ത്രാലയം ആഹ്വാനം ചെയ്തു. കോവിഡ് വ്യാപനത്തിന്റെ പശ്ചാത്തലത്തില്‍ രക്തദാനത്തിന് തയാറാകുന്നവര്‍ കുറഞ്ഞതോടെ രോഗികള്‍ രക്തം ലഭിക്കാതെ ബുദ്ധിമുട്ടുന്ന സാഹചര്യത്തിലാണ് ആരോഗ്യ മന്ത്രാലയത്തിന്റെ ആഹ്വാനം. കൊവിഡ് 19 ബാധിച്ച് നിര്‍വധി രോഗികളാണ് ഐ.സി.യുവില്‍ ചികിത്സയില്‍ ഉള്ളത്. ഇതില്‍ ഭൂരിഭാഗം പേരും പ്രവാസികളാണെന്ന് കഴിഞ്ഞ ദിവസം ആരോഗ്യ മന്ത്രി പറഞ്ഞിരുന്നു.
