ഒമാനില്‍ നിന്നു വിമാനസര്‍വീസ് ആരംഭിക്കുന്നതു സംബന്ധിച്ചു നിലവില്‍ തീരുമാനമെടുത്തിട്ടില്ലെന്നു ഗതാഗത മന്ത്രി ഡോ. അഹമ്മദ് അല്‍ ഫുതൈസി. ഇത് സംബന്ധിച്ച് ആലോചനകള്‍ പുരോഗമിക്കുകയാണ്. അതേസമയം രാജ്യത്തു നിന്നു ചാര്‍ട്ടേഡ് വിമാനങ്ങള്‍ സര്‍വീസ് നടത്തുന്നുണ്ടെന്നും വ്യക്തമാക്കി.
രാജ്യത്തെ പൗരന്‍മാരുടെയും പ്രവാസികളുടെയും ആരോഗ്യം സംരക്ഷിക്കുന്നതിനാണ് ഇനിയൊരു അറിയിപ്പുണ്ടാകുന്നതുവരെ നടപടി എന്ന് അധികൃതര്‍ അറിയിച്ചു. യാത്രക്കാരെ ലോകാരോഗ്യ സംഘടനയുടെ നിര്‍ദേശപ്രകാരം പരിശോധിക്കുന്നുണ്ടെന്ന് ഉറപ്പ് വരുത്താന്‍ വിമാനക്കമ്പനികളുമായി ചര്‍ച്ച നടത്തുന്നുണ്ടെന്ന് സി.എ.എ വ്യക്തമാക്കി.
