ഗർഷോം
ദുബായ്: ഗള്ഫ് മേഖലയില് നിന്നും കേരളത്തിലേക്കുള്ള വന്ദേഭാരത് മിഷന് നാലാം ഘട്ട സര്വീസുകള്ക്ക് ഇന്ന് തുടക്കം. മൊത്തം 214 സര്വീസുകളാണ് ഈ ഘട്ടത്തില് കേരളത്തിലേക്കുള്ളത്. ജൂലൈ ഒന്ന് മുതല് ആഗസ്ത് 15 വരെയാണ് വന്ദേഭാരത് മിഷന് നാലാം ഘട്ടം.
ഈ ഘട്ടത്തില് ഏറ്റവും കൂടുതല് സര്വീസുകള് ലഭിച്ചത് ഖത്തറിലെ പ്രവാസികള്ക്കാണ്. മൊത്തം 151 സര്വീസുകളാണ് ഈ ഘട്ടത്തില് ദോഹയില് നിന്നും കേരളത്തിലേക്കുള്ളത്. ഏകദേശം ഇരുപത്തിയേഴായിരം പ്രവാസികള്ക്ക് ഖത്തറില് നിന്ന് മടങ്ങാം. ഇന്ഡിഗോ എയര്ലൈന്സാണ് ഖത്തറില് നിന്നുള്ള മുഴുവന് സര്വീസുകളും നടത്തുന്നത്.
അതേസമയം സൗദിയില് നിന്ന് 11 സര്വീസുകളാണ് കേരളത്തിലേക്കുള്ളത്. കുവൈത്തില് നിന്ന് നിലവില് പതിനൊന്ന് സര്വീസുകള് മാത്രമാണ് പ്രഖ്യാപിച്ചിട്ടുള്ളതെങ്കിലും കൂടുതല് സര്വീസുകള് ഉള്പ്പെടുത്തുമെന്ന് വിദേശകാര്യമന്ത്രാലയം അറിയിച്ചിട്ടുണ്ട്. ഒമാനില് നിന്ന് എട്ട് സര്വീസുകള്. യു.എഇ.യില് നിന്ന് മുപ്പത്തിമൂന്ന് സര്വീസുകള്. ഇതില് ആദ്യത്തെ സര്വീസ് ഇന്ന് ദുബായില് നിന്നും കൊച്ചിയിലേക്ക് തിരിക്കും.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.