കോഴിക്കോട് വിമാനത്താവളത്തില് നിന്നു ദുബായ്, ഷാര്ജ വിമാനത്താവളങ്ങളിലേക്കുള്ള കയറ്റുമതിക്ക് എയര് ഇന്ത്യയും എയര് ഇന്ത്യാ എക്സ്പ്രസും വര്ധിപ്പിച്ച സര്ചാര്ജ് പകുതിയായി കുറച്ചു. കിലോഗ്രാമിന് ഏര്പ്പെടുത്തിയ 10 രൂപ സര്ചാര്ജ് 5 രൂപയാക്കിയാണു കുറച്ചത്. കയറ്റുമതിക്കാരുടെ പ്രതിഷേധത്തെ തുടര്ന്നാണ് തീരുമാനം.
ഇന്ഡിഗോയുടെ ജിദ്ദ സര്വീസിനു തുടക്കം. ദിവസവും രാവിലെ 6.25നു പുറപ്പെടുന്ന വിമാനം 10.40നു ജിദ്ദയിലെത്തും. അവിടെ നിന്ന് ഉച്ചയ്ക്ക് 1.30നു പുറപ്പെട്ട് രാത്രി 9.15നു കൊച്ചിയിലെത്തും. ജെറ്റ് എയര്വേയ്സ് സര്വീസ് നിര്ത്തിയതോടെ കൊച്ചിയില് നിന്ന് ജിദ്ദയിലേക്കും തിരിച്ചും വന്തിരക്കാണ് അനുഭവപ്പെട്ടിരുന്നത്.
കുവൈത്തില് നിന്ന് കണ്ണൂരിലേക്ക് കുറഞ്ഞ നിരക്ക് പ്രഖ്യാപിച്ച് ഗോ എയര്. കുവൈത്തില് നിന്നും കണ്ണൂരിലേക്ക് നേരിട്ടുള്ള വിമാന സര്വീസിന് 28 കുവൈത്ത് ദിനാറാണ് കുറഞ്ഞ നിരക്ക്. കണ്ണൂരില് നിന്ന് കുവൈത്തിലേക്ക് 6300 രൂപയുമാണു ടിക്കറ്റ് നിരക്ക്. ഈ മാസം 19 മുതല് സര്വ്വീസ് ആരംഭിക്കുമെന്ന് അധികൃതര് അറിയിച്ചു.
ഗോ എയര് കണ്ണൂര്- കുവൈത്ത് സര്വീസ് 19ന് ആരംഭിക്കും. രാവിലെ 7ന് കണ്ണൂരില് നിന്നു പുറപ്പെട്ട് 9.30ന് കുവൈത്തിലും 10.30ന് കുവൈത്തില് നിന്ന് തിരിച്ച് വൈകിട്ട് 6ന് കണ്ണൂരില് എത്തും വിധം പ്രതിദിന സര്വീസ് ആണ് നടത്തുകയെന്നു ഗോ എയര്ലൈന്സ് അധികൃതര് അറിയിച്ചു.
ഇസ്രയേല് വിമാനക്കമ്പനിയായ ആര്കിയ നെടുമ്പാശേരിയില്നിന്നു സര്വീസ് തുടങ്ങുന്നു. ഈ മാസം 21 മുതല് സര്വീസ് ആരംഭിക്കാനാണ് തീരുമാനം. ആഴ്ചയിലൊരിക്കല് ടെല് അവീവില്നിന്നു കൊച്ചിയിലേക്കും തിരിച്ചുമാണ് സര്വീസ്. 1949ല് സ്ഥാപിതമായ ആര്കിയ ഇസ്രയേലിലെ രണ്ടാമത്തെ വിമാന കമ്പനിയാണ്.
ഗള്ഫിലെ സ്കൂള് അവധിക്കാലം കഴിഞ്ഞ് മലയാളികള് പലരും ഓഗസ്റ്റ് അവസാനമാണ് തിരിച്ചുപോയത്. ഇതാണ് ഓണസമയത്തെ നിരക്ക് മുന് വര്ഷങ്ങളേക്കാള് കുറയാന് കാരണം. ഓണം- ബക്രീദ് സീസണുകള് ഒരുമിച്ച് വന്ന കഴിഞ്ഞ വര്ഷം സാധാരണയേക്കാള് അഞ്ചിരട്ടി കൂടുതല് തുക നല്കിയാണ് പ്രവാസികള് നാട്ടിലേക്കെത്തിയത്. ഇക്കുറി ബക്രീദും നേരത്തെ കഴിഞ്ഞു.
വിദേശത്ത് തൊഴില് തേടുന്നവര്ക്ക് നൈപുണ്യം മെച്ചപ്പെടുത്തുന്നതിന് കേരളത്തിലെ വിവിധ സ്ഥാപനങ്ങള് മുഖാന്തരം നോര്ക്ക റൂട്ട്സ് സ്കില് അപ്ഗ്രഡേഷന് പരിശീലന പരിപാടി സംഘടിപ്പിക്കും. പശ്ചിമേഷ്യന് രാജ്യങ്ങളായ യുഎഇ, കുവൈത്ത്, സൗദി അറേബ്യ തുടങ്ങിയ രാജ്യങ്ങളില് നഴ്സിംഗ് മേഖലയില് തൊഴില് സാധ്യതയേറിയതിന്റെ അടിസ്ഥാനത്തിലാണ് നോര്ക്ക റൂട്ട്സ് പരിശീലനത്തിന് തുടക്കമിടുന്നത്.
തിരുവനന്തപുരം വിമാനത്താവളത്തിലെ ലാന്റിംഗ് ഫീ, പാര്ക്കിംഗ് ഫീ, യൂസര്ഫി എന്നിവ കുറക്കണമെന്ന് വിമാനകമ്പിനികള് യോഗത്തില് ആവശ്യപ്പെട്ടു. എന്നാല് ഇക്കാര്യം 2021ലേ ഇനി പരിഗണിക്കാന് കഴിയൂ എന്ന് എയര്പോര്ട്ട് അതോറിറ്റി ഓഫ് ഇന്ത്യ ചെയര്മാന് അനൂജി അഗര്വാള് അറിയിച്ചു. ഇതോടെ തിരുവന്തപുരം വിമാനത്താവളത്തില് നിന്ന് കൂടുതല് വിമാന സര്വ്വീസുകള് വേണമെന്ന ആവശ്യത്തില് പ്രതീക്ഷ മങ്ങുകയാണ്.
നാല് ഇരട്ടിയിലേറെയാണ് വിവിധ ഗള്ഫ് രാജ്യങ്ങളിലേക്കുള്ള യാത്രാക്കൂലി വിമാനക്കമ്പനികള് കൂട്ടിയത്. സംസ്ഥാനത്ത് നിന്ന് ഏറ്റവും കൂടുതല് യാത്രക്കാരുള്ള യുഎഇ, സൗദി അറേബ്യ എന്നീ രാജ്യങ്ങളിലേക്കാണ് യാത്രാനിരക്ക് കുത്തനെ ഉയര്ത്തിയത്. സൗദിയിലെ വിവിധ നഗരങ്ങളിലേക്ക് ഈ സീസണില് യാത്ര ചെയ്യണമെങ്കില് ചുരുങ്ങിയത് 70000 രൂപ നല്കണം.
ഓണക്കാലത്ത് യുഎഇയില് നിന്ന് കേരളത്തിലേക്കും തിരിച്ചും അധിക വിമാന സര്വീസ് നടത്തുമെന്ന് എയര് ഇന്ത്യ അറിയിച്ചു. കൊച്ചിയില് നിന്ന് അബുദാബിയിലേക്കും തിരിച്ച് അബുദാബിയില് നിന്ന് തിരുവനന്തപുരം വഴി കൊച്ചിയിലേക്കുമാണ് പ്രത്യേക സര്വീസ്.
