ഭര്ത്താവിനോടൊപ്പമോ, അല്ലെങ്കില് വിവാഹബന്ധം നിഷിദ്ധമായ പുരുഷന്മാരോടൊപ്പമോ മാത്രമേ ഇതുവരെ സ്ത്രീകള്ക്ക് സൗദിയില് താമസ സൗകര്യം അനുവദിച്ചിരുന്നുള്ളൂ. എന്നാല് പുതിയ തീരുമാനപ്രകാരം ടൂറിസ്റ്റ് വിസയിലെത്തുന്ന സ്ത്രീകള്ക്ക് ഒറ്റക്ക് താമസിക്കുവാന് ഹോട്ടലുകളിലും അപ്പാര്ട്ട്മെന്റുകളിലും അനുമതി ലഭിക്കും. കുടുംബസമേതം താമസിക്കാനെത്തുന്നവര് ബന്ധങ്ങള് തെളിയിക്കുന്ന രേഖകള് ഹാജരാക്കേണ്ടതില്ല. സൗദി കമ്മീഷന് ഫോര് ടൂറിസം ആന്റ് നാഷണല് ഹെറിറ്റേജ് അറിയിച്ചതാണ് ഇക്കാര്യം.
