ആദ്യഘട്ടമായി മസ്‌കത്ത് ഗവര്‍ണറേറ്റിലാകും ഫിറ്റ്‌നസ് കേന്ദ്രങ്ങള്‍ സ്ഥാപിക്കുക. പുതുതായി റസിഡന്റ് കാര്‍ഡിന് അപേക്ഷിക്കുന്നവര്‍ക്കും പുതുക്കാന്‍ അപേക്ഷിക്കുന്നവര്‍ക്കുമുള്ള വൈദ്യ പരിശോധന ഇവിടെയാകും നടത്തുക. ഇത് വിജയകരമാകുന്ന പക്ഷം ഒമാന്റെ മറ്റ് ഭാഗങ്ങളിലേക്കും വ്യാപിപ്പിക്കും. സര്‍ക്കാര്‍-സ്വകാര്യ പങ്കാളിത്ത പദ്ധതി പ്രകാരം ആരോഗ്യ മന്ത്രാലയം അവതരിപ്പിക്കാന്‍ പോകുന്ന നിരവധി പദ്ധതികളില്‍ ഒന്നാണ് ഇത്. ഏറ്റവും ആധുനികമായ മെഡിക്കല്‍-തൊഴില്‍പരമായ ആരോഗ്യ പരിശോധനാ സംവിധാനമാകും ഇവിടെയുണ്ടാവുക.
