ഇതോടെ ദുബായിലെ സ്വകാര്യ സ്‌കൂളുകളുടെ എണ്ണം 212 ആകും. സെപ്റ്റംബറിലാണ് 2020-2021 അധ്യയന വര്‍ഷം ഔദ്യോഗികമായി ആരംഭിക്കുക. വേനലവധി കഴിഞ്ഞ് ക്ലാസ് തുടങ്ങുമ്പോള്‍ പുതിയ സ്‌കൂളുകളില്‍ 6,240 കുട്ടികള്‍ക്ക് പ്രവേശനം നല്‍കാനാകുമെന്ന് നോളജ് ആന്‍ഡ് ഹ്യൂമന്‍ ഡവലപ്‌മെന്റ് അതോറിറ്റി (കെഎച്ച്ഡിഎ) അധികൃതര്‍ വ്യക്തമാക്കി.
2020ഓടെ പുതിയ എട്ട് സ്‌കൂളുകള്‍ കൂടി പ്രവര്‍ത്തനം തുടങ്ങുന്നതോടെ രാജ്യത്തെ സ്വകാര്യ വിദ്യാഭ്യാസ മേഖലക്ക് അതു കരുത്താകുമെന്നും 13000 കുട്ടികള്‍ക്ക് പഠനസൗകര്യം കൂടുന്നതിനൊപ്പം രക്ഷിതാക്കള്‍ക്ക് അവരുടെ കുട്ടികള്‍ക്കിണങ്ങിയതും മികച്ചതുമായ സ്‌കൂളുകള്‍ കണ്ടെത്താന്‍ കൂടുതല്‍ സാധ്യത തെളിയുമെന്നും കെ.എച്ച്.ഡി.എ സി.ഇ.ഒ മുഹമ്മദ് ദര്‍വിശ് പറഞ്ഞു.
