ഗർഷോം
സലാല: മെക്കുനു കൊടുങ്കാറ്റില് സലാലയിലുണ്ടായത് വന് നാശനഷ്ടങ്ങള്. ഒരു ബാലിക അടക്കം മരിച്ചവരുടെ എണ്ണം നാലായെന്ന് റോയല് ഒമാന് പൊലീസ് സ്ഥിരീകരിച്ചു. പൊലീസ്, സിവില് ഡിഫന്സ് വിഭാഗങ്ങളുടെ നേതൃത്വത്തില് രക്ഷാപ്രവര്ത്തനങ്ങള് പുരോഗമിക്കുകയാണ്. ചിലയടങ്ങളില് ആളുകളെ കാണതായതായി പ്രചാരണമുണ്ടെങ്കിലും പൊലീസ് സ്ഥിരീകരണമുണ്ടായിട്ടില്ല.
ദോഫാര് ഗവര്ണറേറ്റില് വരുന്ന മൂന്ന് ദിവസങ്ങളില് അവധി പ്രഖ്യാപിച്ച് സുല്ത്താന് ഖാബൂസ് ബിന് സഈദ് ഉത്തരവ് പുറപ്പെടുവിച്ചു. ഞായര്, തിങ്കള്, ചൊവ്വ ദിവസങ്ങളില് അവധി ആയിരിക്കുമെന്ന് ഉത്തരവില് വ്യക്തമാക്കുന്നു. മൂന്ന് ദിവസങ്ങളില് കൂടി ശക്തമായ കാറ്റിനും മഴയ്ക്കും സാധ്യതയുള്ളതിനാലാണ് അവധി അനുവദിച്ചിരിക്കുന്നത്. സ്വകാര്യ മേഖലയിലും അവധി അനുവദിക്കണമെന്ന് മാനവവിഭവ ശേഷി മന്ത്രാലയവും നിര്ദേശം നല്കി.
അതേസമയം കൊടുങ്കാറ്റ് മുന്നറിയിപ്പിനെ തുടര്ന്ന് അടച്ചിട്ട സലാല രാജ്യാന്തര വിമാനത്താവളം ഞായറാഴ്ച രാത്രി 12 മണി മുതല് വീണ്ടും പ്രവര്ത്തനമാരംഭിക്കും. സര്വ്വീസുകള് സാധാരണഗതിയില് നടക്കുമെന്നും പബ്ലിക് അതോറിറ്റി ഫോര് സിവില് ഏവിയേഷന് വ്യക്തമാക്കി.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.