ഡിസംബര് 31 വരെ വിമാനങ്ങള്ക്കുള്ള വിലക്ക് നീട്ടിയതായി ഇന്ത്യന് വ്യോമയാന മന്ത്രാലയം അറിയിച്ചു. നിലവില് നവംബര് 30 വരെയായിരുന്നു വിലക്ക്. വിലക്കേര്പ്പെടുത്തിരിയിരിക്കുന്ന തീയതി അടുക്കുന്നതോടെ ഓരോ തവണയും യാത്രാ വിലക്ക് ദീര്ഘിപ്പിക്കുകയാണ്. മാര്ച്ച് 23 മുതലാണ് ഇന്ത്യയില് വിമാനയാത്രാ വിലക്ക് പ്രഖ്യാപിച്ചത്.
ഖത്തറിലേക്കുള്ള വിസാ നടപടികള്ക്കായി കേരളത്തിലുള്പ്പെടെ ഇന്ത്യയിലെ വിവിധ ഭാഗങ്ങളിലായി പ്രവര്ത്തിക്കുന്ന വിസാ സെന്ററുകള് ഡിസംബര് 12 മുതല് പ്രവര്ത്തനം പുനരാരംഭിക്കും. കോവിഡ് സാഹചര്യത്തില് പ്രവര്ത്തനം നിര്ത്തിവെച്ച സെന്ററുകളാണ് വീണ്ടും തുറക്കുന്നത്. ഈ സെന്റററുകള് വഴി വിസാ നടപടികള് നടത്താനുള്ള അപ്പോയിന്മെന്റുകള് സെന്ററുകളുടെ വെബ്സൈറ്റ് മുഖേന പൂര്ത്തീകരിക്കാവുന്നതാണ്.
ആദ്യഘട്ടത്തില് പകുതി സര്വീസുകള് പുനരാരംഭിക്കും. രണ്ട് മാസത്തിനുള്ളില് മുഴുവന് സര്വീസുകളും പുനരാരംഭിക്കും. ഡിസംബറില് കൂടുതല് സ്പെഷ്യല് ട്രെയിനുകള് ഉണ്ടാകുമെന്ന് റെയില്വേ അറിയിച്ചു. കേന്ദ്ര ആഭ്യന്തര വകുപ്പിന്റെ അന്തിമാനുമതിയ്ക്ക് വിധേയമായാണ് സര്വീസുകള് നടത്തുക.
പത്ത് ദേശീയ സംഘടനയ്ക്കൊപ്പം സംസ്ഥാനത്തെ 13 തൊഴിലാളി സംഘടനയും പണിമുടക്കില് അണിചേരും. സംസ്ഥാനത്ത് ഒന്നര കോടിയിലേറെ ജനങ്ങള് പങ്കാളികളാകുമെന്ന് സംയുക്ത സമരസമിതി അറിയിച്ചു. വ്യാപാരമേഖലയിലെ തൊഴിലാളികളും പണിമുടക്കില് അണിചേരുന്നതിനാല് കടകമ്പോളങ്ങള് അടഞ്ഞുകിടക്കും.
ലോക്ഡൗണ് കാലത്ത് നാട്ടിലെത്തിയ പ്രവാസികള്ക്ക് ഗള്ഫില് തിരിച്ചെത്തി ജോലി പുനരാരംഭിക്കാന് സൗകര്യം ഒരുക്കണമെന്ന് ജി.സി.സി നേതൃത്വത്തോട് ഇന്ത്യ ആവശ്യപ്പെട്ടു. ജി.സി.സി രാജ്യങ്ങളുടെ പ്രതിനിധികളുമായി നടത്തിയ വെര്ച്വല് ചര്ച്ചയില് വിദേശകാര്യ മന്ത്രി എസ്. ജയശങ്കറാണ് ഇക്കാര്യം ഉന്നയിച്ചത്.
ഇന്ത്യയില് നിന്നും ഖത്തറിലേക്ക് നിലവിലുള്ള വിമാന സര്വീസുകള് അതേപടി തുടരും. ഖത്തരി വിസയുള്ള ഇന്ത്യക്കാര്ക്ക് വിവിധ നിബന്ധനകള് പാലിച്ച് ഖത്തറിലേക്ക് മടങ്ങാമെന്നതാണ് കരാറനുസരിച്ചുള്ള നേട്ടം. ഒക്ടോബര് 31 വരെ കാലാവധിയുണ്ടായിരുന്ന ഈ കരാറാണ് ഡിസംബര് 31 വരെ നീട്ടിയത്. ഇതിനിടയില് സാധാരണ സര്വീസുകള് പുനസ്ഥാപിക്കുകയാണെങ്കില് അത് വരെയായിരിക്കും കരാര് കാലാവധി.
കഴിഞ്ഞ മാസം ഇന്ത്യയിലെ നാല് ലബോറട്ടറികളില് നിന്നുള്ള കൊവിഡ് പരിശോധനാഫലം സ്വീകരിക്കില്ലെന്ന് എയര് ഇന്ത്യ എക്സ്പ്രസും ഫ്ലൈദുബായിയും അറിയിച്ചിരുന്നു. ഒഴിവാക്കപ്പെട്ട ലബോറട്ടറികളുടെ പട്ടികയിലേക്കാണ് പുതുതായി മൂന്ന് ലാബുകള് കൂടി തിങ്കളാഴ്ച ഉള്പ്പെടുത്തിയത്. ഇതോടെ ആകെ ഏഴ് ഇന്ത്യന് ലാബുകളില് നിന്നുള്ള കൊവിഡ് പരിശോധനാഫലം ദുബൈയിലേക്കുള്ള യാത്രയില് സ്വീകരിക്കില്ല.
ഡെബിറ്റ് കാര്ഡുകളും ക്രെഡിറ്റ് കാര്ഡുകളും ഉപയോഗിച്ച് ഡിജിറ്റല് പേയ്മെന്റുകള് കൂടുതല് സുരക്ഷിതമാക്കാനുള്ള ശ്രമത്തിന്റെ ഭാഗമായി റിസര്വ് ബാങ്ക് (ആര്ബിഐ) 2020 ഒക്ടോബര് 1 മുതല് പ്രാബല്യത്തില് വരുന്ന നിരവധി പുതിയ മാര്ഗനിര്ദ്ദേശങ്ങള് പുറപ്പെടുവിച്ചിട്ടുണ്ട്. ക്രെഡിറ്റ്, ഡെബിറ്റ് കാര്ഡ് ഉടമകള്ക്ക് ഇന്ന് മുതല് ബാധകാകുന്ന ആര്ബിഐയുടെ പുതിയ മാര്ഗനിര്ദ്ദേശങ്ങള് പരിശോധിക്കാം.
300ല് താഴെ തൊഴിലാളികളുള്ള സ്ഥാപനത്തിന്റെ ഉടമയ്ക്ക് സേവന, വേതന, ഷിഫ്റ്റ് വ്യവസ്ഥകള് നിശ്ചയിക്കാനും മുന്കൂര് അനുമതിയില്ലാതെ അടച്ചുപൂട്ടാനും അവകാശമുണ്ടാകും. നിലവില് 100ല് താഴെ തൊഴിലാളികളുള്ള സ്ഥാപനങ്ങള്ക്കാണിത് ബാധകം. അതേസമയം സ്വയം തൊഴില് ചെയ്യുന്നവര് അടക്കം എല്ലാ തൊഴിലാളികള്ക്കും ഇപിഎഫ്, ഇഎസ്ഐ ആനുകൂല്യം ബില്ല് വാഗ്ദാനം ചെയ്യുന്നു.
എയര് ഇന്ത്യ എക്സ്പ്രസിന്റെ ദുബായ് സര്വീസുകള് നാളെ പുനരാംഭിക്കും. കോവിഡ് രോഗികള്ക്ക് നിയമവിരുദ്ധമായി യാത്ര അനുവദിച്ചതിന് ദുബായ് എവിയേഷന് അതോറിറ്റി 15 ദിവസത്തേക്ക് എയര് ഇന്ത്യ എക്സ്പ്രസ് വിമാനങ്ങള്ക്ക് വിലക്ക് ഏര്പ്പെടുത്തിയിരുന്നു. ഈ വിലക്ക് പിന്വലിച്ചതായി എയര്ലൈന്സ് അറിയിച്ചു.
