കൊവിഡ് 19 വ്യാപന പ്രതിരോധത്തിന്റെ ഭാഗമായി രാജ്യത്ത് ആദ്യമായി പ്രഖ്യാപിച്ച ജനതാ കര്ഫ്യൂവിനൊപ്പമാണ് സംസ്ഥാനവും. 14 മണിക്കൂര് ജനം വീട്ടിലിരിക്കും. രാവിലെ ഏഴ് മണിമുതല് രാത്രി ഒമ്പത് മണി വരെയാണ് കര്ഫ്യൂ. ജനങ്ങള് പുറത്തിറങ്ങരുതെന്ന് നിര്ദ്ദേശിച്ച സംസ്ഥാന സര്ക്കാര് വീടും പരിസരവും വ്യത്തിയാക്കണമെന്ന് അഭ്യര്ത്ഥിച്ചിട്ടുണ്ട്.
പ്രധാനമന്ത്രി നരേന്ദ്ര മോദിയുടെ നിര്ദേശപ്രകാരം നാളെ നടക്കുന്ന ജനതാ കര്ഫ്യൂവില് കേരളം പൂര്ണമായി സഹകരിക്കുമെന്ന് മുഖ്യമന്ത്രി പിണറായി വിജയന്. കെഎസ്ആര്ടിസിയും കൊച്ചി മെട്രോയും ഉള്പ്പെടെ പൊതുഗതാഗത സംവിധാനങ്ങളെല്ലാം നിശ്ചലമാകും. എല്ലാവരും വീടുകളില് കഴിയുന്നതിനാല് മറ്റാരെയും വിളിക്കാതെ കുടുംബാംഗങ്ങള് മാത്രമായി പരിസര ശുചീകരണം നടത്തണമെന്നും മുഖ്യമന്ത്രി അഭ്യര്ഥിച്ചു.
കേരളത്തില് 25603 നിരീക്ഷണത്തില് ഉണ്ട്. ഇതില് 25363 വീടുകളിലും 237 പേര് ആശുപത്രികളിലും ഉണ്ട്. പുതുതായി ഇന്നലെ 7861 പേരെ നിരീക്ഷണത്തില് ഉള്പ്പെടുത്തി. 4622 പേരെ നിരീക്ഷണത്തില് നിന്ന് ഒഴിവാക്കി. പരിശോധനയ്ക്ക് അയച്ചത് 2550 സാമ്പിളുകളാണ്. 2140 ആളുകള്ക്ക് രോഗബാധയില്ലെന്ന് കണ്ടെത്തിയിട്ടുണ്ട്.
തിരുവനന്തപുരം, കൊച്ചി, കോഴിക്കോട് മേഖലാ ഓഫിസുകളില് താല്ക്കാലികമായി നിര്ത്തിവച്ചിരിക്കുന്ന സേവനങ്ങളാണ് 16 മുതല് പുനരാരംഭിക്കുമെന്ന് ചീഫ് എക്സിക്യൂട്ടീവ് ഓഫീസര് അറിയിച്ചിരിക്കുന്നത്.
സംസ്ഥാനത്ത് കൊവിഡ് 19 ഭീതിയുണര്ത്തുന്ന സാഹചര്യത്തില് മസ്കത്തിലേക്കുള്ള വിമാനങ്ങള് ഭാഗികമായി റദ്ദാക്കി. ഈ മാസം 11, 13, 14 തീയതികളില് കൊച്ചിയില് നിന്നും മസ്കത്തിലേക്കും തിരിച്ചുമുള്ള ഒമാന് എയര്വേഴ്സിന്റെ വിമാനങ്ങള് റദ്ദാക്കി. കൊവിഡ് 19 ഭീതിയില് ആഗോളതലത്തിലും വിമാന സര്വിസ് റദ്ദാക്കല് തുടരുകയാണ്.
കൊറോണ വൈറസ് കൂടുതല് രാജ്യങ്ങളിലേക്ക് പടര്ന്നു പിടിച്ച സാഹചര്യത്തില് നെടുമ്പാശേരിയില് നിന്ന് സൗദി അറേബ്യ, മലേഷ്യ എന്നീ രാജ്യങ്ങളിലേക്കുള്ള വിമാന സര്വ്വീസുകള് റദ്ദാക്കി. സൗദി എയര്ലൈന്സ് ഈ മാസം 13 വരെയുളള സര്വീസുകളാണ് റദ്ദാക്കിയത്. മലേഷ്യയിലേക്കുളള സര്വീസുകള് വെട്ടിക്കുറച്ചതായും അധികൃതര് വ്യക്തമാക്കി.
വ്യക്തികളുടെ കൈവശമുള്ള ഭൂമിയുടെ വിവരങ്ങള് അടങ്ങിയ തണ്ടപ്പേര് ആധാറുമായി ബന്ധിപ്പിക്കാന് സംസ്ഥാന സര്ക്കാര് ഉത്തവിറക്കി. ആര്ഇഎല്ഐഎസ് സോഫ്റ്റ് വെയറില് ഭൂവുടമകളുടെ വിവരങ്ങള് ആധാന് നമ്പറുമായി ബന്ധിപ്പിക്കുന്നതിനുള്ള അനുമതി നല്കിക്കൊണ്ടാണ് റവന്യൂ വകുപ്പ് ഉത്തരവിറക്കിയത്. ഇതോടെ വിവിധ തണ്ടപ്പേരിലുള്ള ഭൂമികള് ഒരു നമ്പറിലേക്ക് ക്രോഡീകരിക്കപ്പെടും.
കരിപ്പൂര് വിമാനത്താവളത്തില് നിന്ന് പുതിയ വിമാനസര്വീസുകള് ആരംഭിക്കാനൊരുങ്ങി ഇന്ഡിഗോ. മാര്ച്ച് 20 മുതല് ന്യൂ ഡല്ഹിയിലേക്കും, റിയാദിലേക്കുമാണ് ഇന്ഡിഗോ പുതിയ സര്വീസുകള് ആരംഭിക്കുക. ചൊവ്വാഴ്ച ഒഴികെയുളള ദിവസങ്ങളില് രാവിലെ 7.30ന് കരിപ്പൂരില് നിന്ന് പുറപ്പെടുന്ന വിമാനം 10.30ന് റിയാദിലെത്തിയ ശേഷം, 11.30 ന് മടങ്ങി രാത്രി 7.10ന് കരിപ്പൂരില് തിരിച്ചെത്തും.
ദുബായിലെ പ്രമുഖ ഹോംഹെല്ത്ത് കെയര് സെന്ററില് ഹോം നഴ്സായി വനിതാ നഴ്സുമാര്ക്ക് അവസരം. നോര്ക്ക റൂട്ട്സ് മുഖേനയാണ് നിയമനം. 25നും 40 നും ഇടയില് പ്രായമുള്ള ബി.എസ്.സി വനിതാ നഴ്സുമാര്ക്ക് രജിസ്റ്റര് ചെയ്യാം. രണ്ടു വര്ഷത്തെ പ്രവൃത്തി പരിചയമുള്ളവര്ക്ക് മുന്ഗണന. ശമ്പളം 4,000 യു.എ.ഇ ദിര്ഹം (ഏകദേശം 77,600 രൂപ) വരെ.
കേന്ദ്രസര്ക്കാര് തയാറാക്കിയിട്ടുള്ള പാസ്പോര്ട്ടിന് അപേക്ഷ സമര്പ്പിക്കാനുള്ള വെബ്സൈറ്റിനു സമാനമായ രൂപരേഖയും സര്ക്കാരിന്റെതെന്നു തോന്നിക്കുന്ന തരത്തിലുമാണ് വ്യാജസൈറ്റുകള് തയ്യാറാക്കിയിരിക്കുന്നത്. ഇത്തരം വെബ്സൈറ്റുകളില് അപേക്ഷ നല്കി ഒട്ടേറെ ആളുകള്ക്ക് പണംനഷ്ടപ്പെട്ടതായാണു പരാതി. ഇതിനെത്തുടര്ന്ന് വ്യാജ വെബ്സൈറ്റുകള്ക്കെതിരേ പാസ്പോര്ട്ട് അതോറിറ്റി മുന്നറിയിപ്പ് നല്കി.
