കുവൈറ്റ് യുദ്ധത്തെ ആസ്പദമാക്കിയുള്ള ‘ബേണിംഗ് വെല്സ്’ ആണ് തന്റെ പുറത്തിറങ്ങാനിരിക്കുന്ന ചിത്രമെന്ന് പ്രമുഖ ഹോളിവുഡ് സംവിധായകനും അവാര്ഡ് ജേതാവുമായ സോഹന് റോയ് അറിയിച്ചു.
കഴിഞ്ഞ ഒരാഴ്ചക്കിടയില് 40,000 ഗതാഗത നിയമലംഘനങ്ങള് രജിസ്ട്രര് ചെയ്തതായി ജനറല് ട്രാഫിക് ഡിപ്പാര്ട്ട്മെന്റിന്റെ കണക്കുകൾ വ്യക്തമാക്കുന്നു. പരിശോധനയില് ഡ്രൈവിംഗ് ലൈസന്സ് ഇല്ലാതെ വാഹനം ഓടിച്ച് പിടിക്കൂടിയ 5 വിദേശികളെ നാട് കടത്തല് കേന്ദ്രത്തിലേക്കു മാറ്റി.
കുവൈത്ത്: പൊതുമേഖലയില് ജോലിചെയ്യുന്ന സ്വദേശി ജീവനക്കാരുടെ എണ്ണം നിലവിലെ 85 ശതമാനത്തില് നിന്ന് 40 ശതമാനമായി കുറയ്ക്കുമെന്ന് നിയമ മന്ത്രി യഅ്ഖൂബ് അല് സാനിഅ് പ്രാദേശിക പത്രവുമായുള്ള അഭിമുഖത്തിലാണ് മന്ത്രി ഇക്കാര്യം സൂചിപ്പിച്ചത്. സ്വദേശികളില് 85 ശതമാനവും നിലവില് ജോലി ചെയ്യുന്നത് സര്ക്കാര് വകുപ്പിലും സ്ഥാപനങ്ങളിലുമാണ്. ബാക്കി 15 ശതമാനം മാത്രമാണ് സ്വകാര്യ മേഖലയിൽ ജോലിചെയ്യുന്നത്. സ്വകാര്യമേഖലയില് ജോലിചെയ്യാന് സ്വദേശികള് വിമുഖത കാട്ടുന്നത് ഒഴിവാക്കുവാൻ നടപടി സ്വീകരിക്കുമെന്നും സ്വകാര്യ മേഖലയിലെ തൊഴിൽ സാഹചര്യം സർക്കാർ നിരീക്ഷിച്ചുവരുകയാണെന്നും മന്ത്രി […]
കുവൈറ്റ്: കരിപ്പൂര് വിമാനത്താവള വികസനത്തെ തടസ്സപ്പെടുത്തുന്നത് ഉദ്യോഗസ്ഥ ലോബിയാണെന്നു ഡോ. എം.കെ. മുനീര്. ഗൾഫ് മാധ്യമത്തിന് നൽകിയ അഭിമുഖത്തിലാണ് ഉദ്യോഗസ്ഥരുടെ മെല്ലെപ്പോക്കിനെതിരെ മുൻ മന്ത്രി പ്രതികരിച്ചത്. വിമാനത്താവള വികസനത്തിന് സ്ഥലമെടുപ്പ് അനിവാര്യമാണ്. എന്നാൽ സ്ഥലം നഷ്ടപ്പെടുന്നവർക്ക് അർഹമായ നഷ്ടപരിഹാരം നൽകണമെന്നും മുനീർ പറഞ്ഞു. മുൻ സർക്കാരുകളുടെ കാലത്തും വിമാനത്താവള വികസനത്തിനായി ശ്രമിച്ചപ്പോഴെല്ലാം ഉദ്യോഗസ്ഥർ തടസ വാദങ്ങളുമായി എത്തുകയും വികസനം വൈകിപ്പിക്കുകയും ചെയ്തിരുന്നുവെന്നും മുനീർ സമ്മതിച്ചു. ഉദ്യോഗസ്ഥരുടെ താളത്തിനൊത്തു സർക്കാർ തുള്ളരുതെന്നും മുനീർ പറഞ്ഞു. ഉദ്യോഗസ്ഥ താല്പര്യം സംരക്ഷിക്കുകയല്ല സർക്കാരുകൾ […]
കുവൈറ്റ്: കുവൈറ്റ് പാര്ലമെന്റംഗം അബ്ദുല് ഹമീദ് അല് ദശ്ത്തിക്ക് കുറ്റാന്വേഷണ കോടതി പതിനാലര വർഷത്തെ തടവ് ശിക്ഷ വിധിച്ചു. കഴിഞ്ഞ ഫെബ്രുവരിയില് സിറിയന് ചാനലുമായി നടത്തിയ അഭിമുഖത്തിൽ അയല്രാജ്യങ്ങളായ സൗദിക്കും ബഹ്റൈനുമെതിരെ മോശം പരാമര്ശം നടത്തിയെന്ന കേസിലാണ് വിധി. സൗദി അറേബ്യയും ബഹ്റൈനുമാണ് ഭീകരവാദ സംഘടനകള്ക്കും പ്രവര്ത്തനങ്ങള്ക്കും സഹായവും പ്രോത്സാഹനവും നല്കുന്നതെന്നായിരുന്നു എം പിയുടെ വിവാദ പരാമർശം. ഈ പരാമർശം വിവാദമായതോടെ വിദേശകാര്യ മന്ത്രാലയമാണ് കോടതിയില് കേസ് ഫയല് ചെയ്തത്. സൗദി ഭരണകൂടത്തിനും നേതാക്കള്ക്കുമെതിരെ പരാമര്ശം നടത്തിയതിന് […]
എണ്ണ വില തകർച്ചയെ തുടർന്നു പ്രതിസന്ധിയിലായ ഗൾഫ് മേഖലയെ ആശങ്കയിലാക്കി കൊടും ചൂടും. കുവൈറ്റിൽ കഴിഞ്ഞദിവസം 54 ഡിഗ്രി ചൂടാണ് രേഖപ്പെടുത്തിയത്. 56.7 ഡിഗ്രിയാണ് ഭൂമിയിൽ ഇതുവരെ രേഖപ്പെടുത്തിയ ഏറ്റവും ഉയർന്ന താപനില 1913 ജൂലൈ 10 ന് കാലിഫോർണിയയിലെ ഡെത് വാലിയിലായിരുന്നു. കുവൈറ്റിന് പുറമെ അയൽ രാജ്യമായ ഇറാഖിൽ 53.9 ഡിഗ്രി ചൂടും രേഖപ്പെടുത്തി കഴിഞ്ഞു.
ഹോട്ടലുകള്ക്കും കാറ്ററിങ് കമ്പനികള്ക്കും 50 ശതമാനം വിദേശ തൊഴിലാളികളെ നിയമിക്കുന്നതിന് മാന്പവര് അതോറിറ്റിയുടെ അനുമതി. ഇന്ത്യക്കാരുള്പ്പെടെ ഹോട്ടല് മേഖലയിൽ തൊഴിൽ ആഗ്രഹിക്കുന്നവർക്ക് ഈ തീരുമാനം സഹായകരമാവും. നിലവിലിരുന്ന വ്യവസ്ഥ അനുസരിച്ച് സ്വകാര്യ തൊഴില് സ്ഥാപനങ്ങള്ക്ക് വിദേശരാജ്യത്ത് നിന്ന് കൊണ്ടുവരാന് അനുവാദമുള്ള തൊഴിലാളികളുടെ എണ്ണം ആകെ തൊഴിലാളികളുടെ 25 ശതമാനം മാത്രമായിരുന്നു.
