വിക്ടോറിയയില് നിന്ന് അഞ്ച് ദിവസം മുമ്പ് കാണാതായ ഇന്ത്യന് വിദ്യാര്ത്ഥിയുടെ മൃതദേഹം യാരാ വാലിയിലുള്ള മാരിസ്വില്ലില് നിന്ന് കണ്ടെത്തി. രാവിലെ 11 മണിയോടെയാണ് എമര്ജന്സി വിഭാഗം പോഷിക് ശര്മ്മ(21) യുടെ മൃതദേഹം കണ്ടെടുത്തത്. കഴിഞ്ഞ വ്യാഴാഴ്ച മുതല് പോഷിക് ശര്മ്മയെ കാണാനില്ലായിരുന്നു. ഇതേ തുടര്ന്ന് പൊലീസും വൊളന്റീയര്മാരും വലിയ രീതിയില് തിരച്ചില് നടത്തി വരികയായിരുന്നു.
