എസ്.എസ്.എല്‍.സി പരീക്ഷാഫലം ഇന്ന്

തിരുവനന്തപുരം: ഈ വര്‍ഷത്തെ എസ്.എസ്.എല്‍.സി പരീക്ഷാഫലം ഇന്ന് പ്രസിദ്ധീകരിക്കും. വിദ്യാഭ്യാസമന്ത്രി സി. രവീന്ദ്രനാഥ് ഉച്ചയ്ക്ക് രണ്ടിന് പി.ആര്‍. ചേംബറില്‍ ഫലം പ്രഖ്യാപിക്കും. പരീക്ഷാ പാസ്ബോര്‍ഡ് യോഗം പരീക്ഷാഫലത്തിന് അന്തിമ അംഗീകാരം നല്‍കിയിട്ടുണ്ട്. ഇത്തവണയും മോഡറേഷന്‍ മാര്‍ക്കുണ്ടാകില്ല.

www.results.itschool.gov.in എന്ന വെബ്സൈറ്റിലൂടെ ഫലമറിയാന്‍ ഐടി@ സ്‌കൂള്‍ സംവിധാനം ഒരുക്കിയിട്ടുണ്ട്. സഫലം 2017 എന്ന മൊബൈല്‍ ആപ് വഴിയും ഫലമറിയാം. ഗൂഗിള്‍ പ്ലേസ്റ്റോറില്‍ നിന്നും Saphalam 2017 എന്ന് നല്‍കി ആപ് ഡൗണ്‍ലോഡ് ചെയ്യാവുന്നതാണ്. സ്‌കൂള്‍- വിദ്യാഭ്യാസ ജില്ല- റവന്യൂ ജില്ലാ തലങ്ങളിലുള്ള റിസല്‍റ്റ് അവലോകനവും വിഷയാധിഷ്ഠിത അവലോകനങ്ങളും റിപ്പോര്‍ട്ടുകളും പോര്‍ട്ടലിലും മൊബൈല്‍ ആപ്പിലും ലഭ്യമാകും.

www.keralapareekshabhavan.in, www.keralaresults.nic.in, www.results.nic.in, www.prd.kerala.gov.in എന്നീ വെബ്സൈറ്റുകളിലും ഫലം ലഭ്യമാകും.