ഗർഷോം
ന്യൂഡല്ഹി: രാജ്യത്തെ എല്ലാ മൊബൈല് ഉപഭോക്താകളും 2018 ഫെബ്രുവരി ആറിനുള്ളില് തങ്ങളുടെ മൊബൈല് നമ്പര് ആധാറുമായി ബന്ധിപ്പിക്കണം. കേന്ദ്രസര്ക്കാര് സുപ്രീംകോടതിയില് സമര്പ്പിച്ച സത്യവാങ്മൂലത്തിലാണ് ഇക്കാര്യം അറിയിച്ചത്.
പുതിയ മൊബൈല് കണക്ഷന് എടുക്കാനും ബാങ്ക് അക്കൗണ്ട് ആരംഭിക്കാനും ആധാര് നിര്ബന്ധമാക്കിയിട്ടുണ്ടെന്നും കേന്ദ്രസര്ക്കാര് സുപ്രീംകോടതിയെ അറിയിച്ചിട്ടുണ്ട്. ബാങ്ക് അക്കൗണ്ടുകളെ ആധാറുമായി ബന്ധിപ്പിക്കുന്നതിനുള്ള സമയപരിധി മാര്ച്ച് 31 വരെ നീട്ടിയിട്ടുണ്ടെന്നും സത്യവാങ്മൂലത്തില് പറയുന്നു. എന്നാല് അതിന് ശേഷവും ആധാറുമായി ബന്ധിപ്പിക്കാത്ത അക്കൗണ്ടുകള് നിര്ജീവമാക്കും. അതേസമയം പുതിയ ബാങ്ക് അക്കൗണ്ട് തുടങ്ങണമെങ്കില് ആധാര് നിര്ബന്ധമാണ്.
ആധാര് വിവരങ്ങള് അതീവ സുരക്ഷയോടെ ആണ് സംരക്ഷിക്കുന്നതെന്നും ഇതുവരേയും ആധാര് വിവരങ്ങള് ശേഖരിച്ച യുഐഡിഎഐ സെര്വറുകള് ഹാക്കിംഗ്സൈബര് ആക്രമണങ്ങള് നേരിട്ടിട്ടില്ലെന്നും സര്ക്കാര് സുപ്രീംകോടതിയെ ബോധിപ്പിച്ചിട്ടുണ്ട്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.