ഗർഷോം
ന്യൂഡല്ഹി: ഇന്ത്യന് പാസ്പോര്ട്ടും ഇമിഗ്രേഷന് ക്ലിയറന്സുമായി എത്തുന്നവര്ക്ക് വിമാനമാര്ഗം നേപ്പാള് വഴി മറ്റ് രാജ്യങ്ങളിലേക്ക് പോകാന് ഇനി എന്ഒസി ആവശ്യമില്ല. ഇമിഗ്രേഷന് ക്ലിയറന്സ് കഴിഞ്ഞെത്തുന്ന ഇന്ത്യക്കാര്ക്കാണ് നേപ്പാള് വഴി ഗള്ഫ് രാജ്യങ്ങളിലേക്ക് പോകാന് നിര്ബന്ധമായിരുന്ന എന്ഒസി ഒഴിവാക്കിയതെന്ന് നേപ്പാളിലെ ഇന്ത്യന് എംബസി വ്യക്തമാക്കി. ഏപ്രില് 22 മുതല് ജൂണ് 19 വരെയാണ് എന്.ഒ.സി ഒഴിവാക്കിയിരിക്കുന്നത്.
കാഠ്മണ്ഡു ത്രിഭുവന് വിമാനതാവളത്തിലെ ഇമിഗ്രേഷന് അധികൃതര് ഇന്ത്യന് പാസ്പോര്ട്ടുള്ളവര്ക്ക് മറ്റ് രാജ്യങ്ങളിലേക്ക് പോകുന്നതിനുള്ള നടപടിക്രമങ്ങള് പൂര്ത്തീകരിച്ച് സൗകര്യം ഒരുക്കും.
അതേസമയം, പാസ്പോര്ട്ടല്ലാതെ മറ്റ് തിരിച്ചറിയല് രേഖകളുമായി കരമാര്ഗമോ, വിമാനത്തിലോ ഇതര രാജ്യങ്ങളിലേക്ക് പോകാന് നേപ്പാളിലെത്തുന്നവര്ക്ക് നേപ്പാളിലെ ഇന്ത്യന് എംബസി അനുവദിക്കുന്ന എന്.ഒ.സി തുടര്ന്നും ആവശ്യമാണ്. കേരളമടക്കമുള്ള സംസ്ഥാനങ്ങളിലെ പ്രവാസികള്ക്ക് വിദേശകാര്യ മന്ത്രാലയത്തിന്റെ പുതിയ തീരുമാനം ഏറെ സഹായകരമാകും.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.