ഗർഷോം
തിരുവനന്തപുരം, കൊല്ലം, പത്തനംതിട്ട, ഇടുക്കി, കോട്ടയം എന്നിവിടങ്ങളിലെ മലയോര മേഖലകളില് വൈകുന്നേരം ആറു മുതല് രാവിലെ ആറുവരെയുള്ള സമയം യാത്രാ നിയന്ത്രണം ഏര്പ്പെടുത്തിയിട്ടുണ്ട്. പൊന്മുടി അടക്കം മലയോര വിനോദസഞ്ചാര കേന്ദ്രങ്ങളിലക്കുള്ള യാത്ര നിരോധിച്ചു.
തിരുവനന്തപുരം: കന്യാകുമാരിക്കു സമീപം ഇന്ത്യന് മഹാസമുദ്രത്തില് രൂപംകൊണ്ട ന്യൂനമര്ദത്തെ തുടര്ന്നു കേരളത്തിന്റെ തെക്കന് ജില്ലകളിലും മധ്യകേരളത്തിലും കനത്ത മഴ. കന്യാകുമാരി, നാഗര്കോവില് മേഖലയില് വീശിയടിച്ച ചുഴലിക്കാറ്റില് കനത്ത നാശനഷ്ടവുമുണ്ടായി. അതിശക്തമായ മഴയ്ക്കു സാധ്യതയെന്നും മുന്നറിയിപ്പുണ്ട്.
ന്യൂനമര്ദം ശക്തിപ്പെട്ടു വടക്കുപടിഞ്ഞാറന് ദിശയിലേക്കു നീങ്ങുകയാണ്. തിരുവനന്തപുരം, കൊല്ലം, പത്തനംതിട്ട, ഇടുക്കി, കോട്ടയം എന്നിവിടങ്ങളിലെ മലയോര മേഖലകളില് വൈകുന്നേരം ആറു മുതല് രാവിലെ ആറുവരെയുള്ള സമയം യാത്രാ നിയന്ത്രണം ഏര്പ്പെടുത്തിയിട്ടുണ്ട്. പൊന്മുടി അടക്കം മലയോര വിനോദസഞ്ചാര കേന്ദ്രങ്ങളിലക്കുള്ള യാത്ര നിരോധിച്ചു.
കനത്ത മഴയെ തുടര്ന്നു ചില ട്രെയിനുകള് പുനഃക്രമീകരിച്ചിട്ടുണ്ട്. ചിലത് റദ്ദാക്കുക്കയും ചെയ്തു.
റദ്ദാക്കിയ ട്രെയിനുകള്:
56318 നാഗര്കോവില് കൊച്ചുവേളി
56317 കൊച്ചുവേളി നാഗര്കോവില്
66304 കൊല്ലം കന്യാകുമാരി മെമു
66305 കന്യാകുമാരി കൊല്ലം
പുനഃക്രമീകരിച്ച ട്രെയിനുകള്:
16723/16724 അനന്തപുരി എക്സ്പ്രസ് കൊല്ലത്തുനിന്നാവും പുറപ്പെടുക.
രാവിലെ 6.40ന് കന്യാകുമാരിയില്നിന്നു പുറപ്പെടേണ്ടിയിരുന്ന 16382 കേപ്പ് മുംബൈ എക്സ്പ്രസ് ഉച്ചയ്ക്കു രണ്ടിനേ പുറപ്പെടൂ.
രാവിലെ 10.30ന് കന്യാകുമാരിയില്നിന്നു ബെംഗളൂരുവിലേക്കു പുറപ്പെടേണ്ടിയിരുന്ന കേപ്പ് എസ്ബിസി എക്സ്പ്രസ് മൂന്നു മണിക്കേ പുറപ്പെടൂ.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.