ഗർഷോം
ന്യൂഡല്ഹി: കോവിഡ് 19 രോഗബാധ പടരുന്ന സാഹചര്യത്തില് കര്ശന നിയന്ത്രണങ്ങള് ഏര്പ്പെടുത്താന് കേന്ദ്ര ആരോഗ്യ മന്ത്രാലയത്തിന്റെ നിര്ദേശം. രാജ്യത്തെ മുഴുവന് വിദ്യാഭ്യാസ സ്ഥാപനങ്ങള് അടച്ചിടാനും പൊതുഗതാഗത സംവിധാനം കുറയ്ക്കാനും ആരോഗ്യവകുപ്പ് ജോയിന്റ് സെക്രട്ടറി ലാവ് അഗര്വാള് നിര്ദേശിച്ചു.
വിദ്യാഭ്യാസ സ്ഥാപനങ്ങള്ക്ക് പുറമേ സ്വിമ്മിങ് പൂളുകള്, മാളുകള്, എന്നിവയും അടച്ചിടണം. ജീവനക്കാര്ക്ക് വീട്ടിലിരുന്ന് ജോലി ചെയ്യാനുള്ള സാഹചര്യം കമ്പനികള് ഒരുക്കണം. മാര്ച്ച് 31 വരെ ഒരു മീറ്റര് അകലത്തില് നിന്നുവേണം ആളുകള് തമ്മില് ഇടപഴകാന്. ഗള്ഫില് നിന്ന് വരുന്നവരെ മാറ്റിപ്പാര്പ്പിക്കണം. യൂറോപ്പില് നിന്ന് വരുന്ന യാത്രക്കാരെ കൊണ്ടുവരരുതെന്ന് വിമാനകമ്പനികള്ക്ക് നിര്ദേശമുണ്ട്. യൂറോപ്പിലേക്ക് യാത്രാ നിരോധനവും ഏര്പ്പെടുത്തിയിട്ടുണ്ട്. ബുധനാഴ്ച മുതല് നിരോധനം നിലവില് വരും.
കൊറോണ വ്യാപനവുമായി ബന്ധപ്പെട്ട് ഇനിയുള്ള സമയം വളരെ നിര്ണായകമാണ്. ഇന്ത്യയില് കൊറോണ വൈറസ് ബാധ സ്ഥിരീകരിച്ചവരുടെ എണ്ണം 114 ആയി.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.