ഗർഷോം
ഓട്ടോമാറ്റിക് ഹെഡ് ലൈറ്റ് ഓണ് സംവിധാനമുളള വാഹനങ്ങളാണ് പുതുതായി നിരത്തിലിറങ്ങുന്നത്. ഇരുചക്രവാഹനങ്ങളുടെ എഞ്ചിന് ഓണാക്കി കഴിഞ്ഞാല് ഒപ്പം ഹെഡ് ലൈറ്റും തെളിയും.
ന്യൂഡല്ഹി: ഇരുചക്രവാഹനങ്ങള് ഇനി പകലും ലൈറ്റിടണം. കേന്ദ്രസര്ക്കാര് നടപ്പാക്കുന്ന പുതിയ നിയമം ഇന്ന് മുതല് നിലവില് വന്നു. ഇതോടെ ഇരുചക്രവാഹനങ്ങള് പകല് ലൈറ്റ് തെളിയിച്ച് മാത്രമേ നിരത്തിലിറങ്ങാന് പാടുള്ളൂ. അപകടങ്ങള് കുറയ്ക്കുക എന്ന ലക്ഷ്യത്തോടെയുളളതാണ് പുതിയ നിയമം നടപ്പിലാക്കുന്നത്.
നാഷണല് ക്രൈം റെക്കോര്ഡ്സ് ബ്യൂറോയുടെ കണക്കനുസരിച്ച് രാജ്യത്ത് പ്രതിവര്ഷം വാഹനാപകടങ്ങളില് കൊല്ലപ്പെടുന്ന 1.4 ലക്ഷം പേരില് 32,524 പേരും ബൈക്ക് യാത്രികരാണ്. ഇരുചക്രവാഹനങ്ങള് ഉള്പ്പെടുന്ന അപകടങ്ങള് പെരുകിയ സാഹചര്യത്തില് നിയന്ത്രണമാര്ഗങ്ങള് കണ്ടെത്താന് സുപ്രീംകോടതി ഒരു കമ്മറ്റിയെ നിയോഗിച്ചിരുന്നു. ഈ കമ്മിറ്റിയുടെ റിപ്പോര്ട്ട് പ്രകാരമാണ് 2003 മുതല് യൂറോപ്യന് രാജ്യങ്ങളില് നടപ്പാക്കിയ സംവിധാനം രാജ്യത്തും നടപ്പിലാക്കാന് നിയമം വന്നത്.
ഓട്ടോമാറ്റിക് ഹെഡ് ലൈറ്റ് ഓണ് സംവിധാനമുളള വാഹനങ്ങളാണ് പുതുതായി നിരത്തിലിറങ്ങുന്നത്. ഇരുചക്രവാഹനങ്ങളുടെ എഞ്ചിന് ഓണാക്കി കഴിഞ്ഞാല് ഒപ്പം ഹെഡ് ലൈറ്റും തെളിയും. ലൈറ്റ് ഓഫ് ചെയ്യാനോ ഓണ്ചെയ്യാനോ സ്വിച്ചുണ്ടാകില്ല. വെളിച്ചത്തിന്റെ തീവ്രതകുറയ്ക്കാന് കഴിയും.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.