വേള്ഡ് മലയാളി കൗണ്സിലിന്റെ പത്താമത് ഗ്ലോബല് കോണ്ഫറന്സ് ആഗസ്റ്റ് 26,27,28 തീയതികളില് ബാംഗ്ലൂരില് വച്ച് നടക്കും. ബാംഗ്ലൂരില് ഹോട്ടല് കാപിറ്റലിലും ഹോട്ടല് ലീല പാലസിലുമാണ് മൂന്ന് ദിവസത്തെ പരിപാടികള് നടക്കുക.
പെരുമ്പാവൂര് സ്വദേശി ജീവന് ടോണി (19) ആണ് മരിച്ചത്. മൈസൂരുവിലെ ശ്രീരംഗപട്ടണത്തുവെച്ചാണ് ജീവന് ടോണിയെ ഒരു സംഘം യുവാക്കള് മര്ദിച്ചത്. തുടര്ന്ന് 20 ദിവസമായി ബെംഗളൂരുവില് ചികിത്സയിലായിരുന്നു.
ബലൂണില് പതിനൊന്ന് ദിവസം 34,000 കിലോമീറ്റര് സഞ്ചരിച്ച 65 കാരനായ ഫെഡര് കോനിയുഖോവ് ലോക റെക്കോര്ഡ് സൃഷ്ടിച്ചു. 13 ദിവസവും എട്ട് മണിക്കൂറുമെടുത്തു അമേരിക്കന് സാഹസിക യാത്രികന് സ്റ്റീവ് ഫോസെറ്റ് 2012ല് സ്ഥാപിച്ച 33,000 കിലോമീറ്റര് യാത്രയെന്ന റെക്കോര്ഡാണ് ഫെഡര് തകര്ത്തത്. 13 ദിവസമെടുത്തു ലോകം ചുറ്റിയെത്താനായിരുന്നു ഫെഡറിന്റെ ലക്ഷ്യം, എന്നാൽ 11 ദിവസംകൊണ്ടു ലക്ഷ്യം പൂർത്തിയാക്കാനായി. ലോക സഞ്ചാരത്തിനിടെ അതിശൈത്യവും അപ്രതീക്ഷിതമായ കാറ്റും അതിജീവിച്ചാണ് ഫെഡർ ഏറ്റവും വേഗമേറിയ ബലൂൺ യാത്ര പൂർത്തിയാക്കിയത്.
മലയാളി നഴ്സിങ് വിദ്യാര്ഥിനി അശ്വതി റാഗിങ്ങിനിരയായ സംഭവത്തില് കർണ്ണാടകയിലെ കലബുറഗി അല് ഖമര് നഴ്സിങ് കോളജിൻറെ അംഗീകാരം റദ്ദാക്കിയേക്കും. റാഗിങ് തടയാനുള്ള യു.ജി.സി നിര്ദേശം നടപ്പാക്കിയിട്ടില്ലാത്ത കോളജിനെതിരെ കര്ശന നടപടി സ്വീകരിക്കാനാണ് ഇന്ത്യന് നഴ്സിങ് കൗണ്സില് തീരുമാനം. അന്വേഷണ റിപ്പോര്ട്ട് ലഭിച്ചതിനു ശേഷം കോളജിനെതിരെ നടപടിയുണ്ടാകുമെന്ന് ഇന്ത്യന് നഴ്സിങ് കൗണ്സില് പ്രസിഡൻറ് ടി. ദിലീപ് കുമാര് പറഞ്ഞു.
മലയാളി നഴ്സിംഗ് വിദ്യാര്ത്ഥിനി എടപ്പാള് സ്വദേശി അശ്വതി കര്ണ്ണാടകയിലെ ഗുല്ബര്ഗയില് റാഗ് ചെയ്യപ്പെട്ട സംഭവത്തില് അറസ്റ്റ് രേഖപ്പെടുത്തിയ മൂന്ന് സഹപാഠികളെ റിമാന്ഡ് ചെയ്തു. കൊല്ലം സ്വദേശിനി ലക്ഷ്മി, ഇടുക്കി സ്വദേശിനികളായ ആതിര, കൃഷ്ണപ്രിയ എന്നിവരെയാണ് രണ്ടാഴ്ചത്തേക്ക് റിമാന്ഡിലാക്കിയത്.
