Currency

Saudi Arabia

സൗദിയില്‍ കൃത്രിമ മഴ പെയ്യിക്കാനുള്ള പദ്ധതിക്ക് മന്ത്രിസഭ അംഗീകാരം; അന്താരാഷ്ട്ര സൗരോര്‍ജ സഖ്യത്തില്‍ ഭാഗമാകാനും തീരുമാനം

രാജ്യത്തെ ആദ്യ കൃത്രിമ മഴ പദ്ധതിക്ക് അംഗീകാരം നല്‍കിയതാണ് ഇതില്‍ ശ്രദ്ധേയം. പരിസ്ഥിതി കൃഷി ജല വകുപ്പ് മന്ത്രി സമര്‍പ്പിച്ച കരടിന് മന്ത്രിസഭ അംഗീകാരം നല്‍കുകയായിരുന്നു. സൗദി സാമ്പത്തിക സമിതി കഴിഞ്ഞ മാസം ഇതേ പദ്ധതിക്ക് പ്രാഥമിക അംഗീകാരം നല്‍കിയിരുന്നു. അന്താരാഷ്ട്ര സൗരോര്‍ജ സഖ്യത്തില്‍ അംഗമാവാനും മന്ത്രിസഭായോഗം തീരുമാനിച്ചു. ഒന്നര മാസം മുമ്പ് സൗദി ശുറാ കൗണ്‍സില്‍ അംഗീകാരം നല്‍കിയ തീരുമാനത്തിന് മന്ത്രിസഭ അന്തിമ അംഗീകാരം നല്‍കുകയായിരുന്നു.

അജീര്‍ സേവനം കൂടുതല്‍ മേഖലകളിലേക്ക്; സൗദിയില്‍ മലയാളികള്‍ക്ക് തൊഴില്‍ അവസരം കൂടും

വിദേശ രാജ്യങ്ങളില്‍ നിന്ന് പുതിയ തൊഴിലാളികളെ റിക്രൂട്ട് ചെയ്യുന്നതിന് പകരം, സൗദിയിലുള്ള തൊഴിലാളികളെ നിയമാനുസൃതം ഉപയോഗപ്പെടുത്താന്‍ സ്വകാര്യ സ്ഥാപനങ്ങളെ സഹായിക്കുന്ന സേവനമായ അജീര്‍ കാറ്ററിംഗ്, ഭക്ഷ്യ വസ്തു മേഖലകളിലേക്കാണ് വ്യാപിപ്പിച്ചത്. ഈ മേഖലകളില്‍ മലയാളികളുടെ സാന്നിദ്ധ്യം ശക്തമാണ് സൗദിയില്‍. പുതിയ മാറ്റം മലയാളികളുള്‍പ്പെടെ നിരവധി വിദേശികള്‍ക്ക് ആശ്വാസമാകും.

സൗദിയില്‍ നിന്ന് ഇന്ത്യക്കാരുടെ വന്‍ കൊഴിഞ്ഞുപോക്ക്; ആറ് ലക്ഷത്തോളം പേര്‍ മടങ്ങിയെന്ന് രേഖകള്‍

ലോകത്ത് ഏറ്റവും കൂടുതല്‍ ഇന്ത്യാക്കാരുള്ള രാജ്യം സൗദി അറേബ്യയാണ്. ഇവിടെ പ്രവാസി ജനസംഖ്യ 26 ലക്ഷത്തിനടുത്താണെന്നും കണക്ക് വ്യക്തമാക്കുന്നു. 2017 സെപ്റ്റംബറില്‍ സൗദിയില്‍ ഇന്ത്യന്‍ ജനസംഖ്യ മുപ്പത്തിരണ്ടര ലക്ഷമായിരുന്നു. മൂന്നുവര്‍ഷം കഴിയുമ്പോള്‍ വന്ന കുറവ് ആറുലക്ഷത്തോളമാണ്. ലോകത്ത് 203 രാജ്യങ്ങളിലാണ് ഇന്ത്യക്കാര്‍ ജോലി ചെയ്യുന്നതെന്നാണ് മന്ത്രി വി. മുരളീധരന്‍ ലോക്‌സഭയെ അറിയിച്ചത്.

ശീതകാറ്റിന് സാധ്യത; സൗദിയില്‍ സ്‌കൂളുകളുടെ പ്രവര്‍ത്തന സമയത്തില്‍ മാറ്റം

സൗദിയുടെ വടക്ക് പടിഞ്ഞാറ് ഭാഗത്ത് നിന്ന് ആരംഭിക്കുന്ന ശീതകാറ്റ് ക്രമേണ മധ്യ, കിഴക്ക്, തെക്ക് പ്രവശ്യകളിലേക്ക് വ്യാപിക്കും. വ്യാഴാഴ്ചവരെ ശീതകാറ്റ് തുടര്‍ന്നേക്കാനാണ് സാധ്യത. ഈ വര്‍ഷത്തെ ഏറ്റവും ശക്തമായ ശീതകാറ്റാണ് ഈ ആഴ്ച അനുഭവപ്പെടുകയെന്ന് കാലാവസ്ഥാ വിദഗ്ധര്‍ അഭിപ്രായപ്പെട്ടു. അതിശൈത്യം കണക്കിലെടുത്ത് ഉത്തര അതിര്‍ത്തി പ്രവശ്യകളിലെ സ്‌കൂള്‍ സമയങ്ങളില്‍ മാറ്റം വരുത്തിയിട്ടുണ്ട്.

സൗദിയില്‍ മിനിമം ബാലന്‍സില്ലാത്ത ബാങ്ക് അക്കൗണ്ടുകള്‍ക്ക് സര്‍വ്വീസ് ചാര്‍ജ്; ഈടാക്കുക പത്തര റിയാല്‍

മിനിമം ബാലന്‍സ് ഇല്ലാത്ത ഇടത്തരം-ചെറുകിട സ്ഥാപനങ്ങളുടെ അക്കൗണ്ടുകള്‍ക്കാണ് ചില ബാങ്കുകള്‍ സര്‍വ്വീസ് ചാര്‍ജ് ഈടാക്കി തുടങ്ങിയത്. ജനുവരി ഒന്ന് മുതല്‍ ഇത് പ്രാവര്‍ത്തികമായിട്ടുണ്ട്. അക്കൗണ്ട് മാനേജ്മെന്റ് എന്ന പേരില്‍ വാറ്റുള്‍പ്പെടെ പത്തര റിയാലാണ് പ്രതിമാസം ഈടാക്കുക. മാസത്തില്‍ ശരാശരി 5000 റിയാലിലും കുറവ് ബാലന്‍സുള്ള അക്കൗണ്ടുകളെയാണ് പുതിയ മാറ്റം ബാധിക്കുന്നത്.

സൗദിയില്‍ വാഹന ഇന്‍ഷൂറന്‍സ് വ്യവസ്ഥകളില്‍ മാറ്റം; ക്ലൈമുകള്‍ വേഗത്തില്‍ തീര്‍പ്പാക്കും

നഷ്ടപരിഹാര അപേക്ഷകളില്‍ വേഗത്തില്‍ തീര്‍പ്പ്കല്‍പിക്കുന്നതാണ് പുതിയ വ്യവസ്ഥകള്‍. വാഹന ഇന്‍ഷൂറന്‍സ് ക്ലൈമുകള്‍ വേഗത്തില്‍ തീര്‍പ്പാക്കുന്നതിന് ഇന്‍ഷൂറന്‍സ് കമ്പനികളെ നിര്‍ബന്ധിപ്പിക്കുന്ന വ്യവസ്ഥയാണ് സൗദി അറേബ്യന്‍ മോണിട്ടറി അതോറിറ്റി പ്രഖ്യാപിച്ചത്. അപകടങ്ങള്‍ സംഭവിക്കുക വഴി നഷ്ടപരിഹാരം തേടിയുള്ള അപേക്ഷകളിന്‍മേല്‍ 15 പ്രവര്‍ത്തി ദിവസങ്ങള്‍ക്കുള്ളില്‍ തീര്‍പ്പാക്കണം. അപേക്ഷ അപൂര്‍ണ്ണമാണെങ്കില്‍ അക്കാര്യം ഏഴ് ദിവസത്തിനകം ഉപയോക്താക്കളെ അറിയിക്കുകയും വേണം.

സൗദിയില്‍ സെന്‍സസിന് തുടക്കമായി; ഏപ്രില്‍ ആറ് വരെ വിവരണ ശേഖരണം

സെന്‍സസിന്റെ ആദ്യ ഘടത്തില്‍ രാജ്യത്തെ കെട്ടിടങ്ങളുടെ വിവര ശേഖരണവും കെട്ടിട നമ്പര്‍ പുതുക്കലുമാണ് നടക്കുക. ഇതിനായി പതിനൊന്നായിരം ഫീല്‍ഡ് ഓഫീസര്‍ മാരെ നിശ്ചയിച്ചതായി അതോറിറ്റി വ്യക്തമാക്കി. തിങ്കളാഴ്ച മുതല്‍ ആരംഭിച്ച ആദ്യ ഘട്ടം മാര്‍ച്ച് ആറ് വരെ നീണ്ട് നില്‍ക്കും. ജനറല്‍ അതോറി ഫോര്‍ സ്റ്റാറ്റിസ്റ്റിക്സാണ് സെന്‍സസ് നടപടികള്‍ക്ക് രാജ്യത്ത് തുടക്കം കുറിച്ചത്.

ചൈനയില്‍ നിന്നെത്തുന്നവര്‍ രാജ്യത്ത് പ്രവേശിക്കുന്നത് മുന്‍കൂട്ടി അറിയിക്കണമെന്ന് സൗദി

ചൈനയില്‍ നിന്ന് നേരിട്ടല്ലാതെ മറ്റു രാജ്യങ്ങളില്‍ നിന്നെത്തുന്നവര്‍ക്കാണ് നിര്‍ദ്ദേശം ബാധകമാവുക. വിദേശ രാഷ്ട്രങ്ങളില്‍ നിന്ന് സൗദിയിലെത്തുന്നവര്‍ 15 ദിവസത്തിന് മുമ്പ് വരെ ചൈന സന്ദര്‍ശിച്ചിട്ടുണ്ടെങ്കില്‍ അക്കാര്യം എമിഗ്രേഷന്‍ ഉദ്യോഗസ്ഥരെ നിര്‍ബന്ധമായും അറിയിച്ചിരിക്കണമെന്ന് സൗദി ജവാസാത്ത് ഡയറക്ട്റേറ്റ് നിര്‍ദ്ദേശം നല്‍കി.

സൗദിയില്‍ നികുതി വെട്ടിപ്പ് നടത്തുന്നവര്‍ക്ക് കടുത്ത ശിക്ഷ; വിവരം നല്‍കുന്നവര്‍ക്ക് പാരിതോഷികം

സകാത്ത്, നികുതി എന്നിവയുമായി ബന്ധപ്പെട്ട നിയമലംഘനങ്ങളും അവക്കുള്ള ശിക്ഷയും സംബന്ധിച്ച വിവരങ്ങളാണ് സകാത്ത് ആന്‍ഡ് ഇന്‍കം ടാക്‌സ് അതോറിറ്റി പുറത്തുവിട്ടത്. സകാത്ത് അടക്കാതിരിക്കുക, മൂല്യവര്‍ധിത നികുതി അടക്കാതിരിക്കുക, ആദായ നികുതിയുമായി ബന്ധപ്പെട്ട നിയമലംഘനം, പ്രത്യേക ഇനങ്ങള്‍ക്കുള്ള നികുതി അടക്കാതിരിക്കുക തുടങ്ങി നാലിനം നിയമലംഘനങ്ങളാണ് തിങ്കളാഴ്ച്ച പ്രസിദ്ധീകരിച്ച നിയമാവലിയില്‍ പരാമര്‍ശിക്കുന്നത്.

സൗദിയില്‍ ഫാര്‍മസി ജോലികള്‍ സ്വദേശിവത്കരിക്കുന്നു; ആദ്യഘട്ടത്തില്‍ 20% സ്വദേശിവത്ക്കരിക്കും

സ്വകാര്യ മേഖലയിലെ ഫാര്‍മസികളിലും അനുബന്ധ ജോലികളിലും സ്വദേശിവല്‍ക്കരണം നടപ്പിലാക്കുന്നു. വിവിധ ഘട്ടങ്ങളിലായി നടപ്പാക്കുന്ന സ്വദേശിവകരണത്തിന്റെ ആദ്യ ഘട്ടം ജൂലൈ 22ന് പ്രാബല്യത്തില്‍ വരും. 20 ശതമാനം സ്വദേശിവത്ക്കരണമാണ് ആദ്യ ഘട്ടത്തില്‍ നടപ്പാക്കുക. ഇതിനുള്ള കരാറിന് തൊഴില്‍ മന്ത്രി എന്‍ജി. അഹ്മദ് അല്‍ റാ ജഹി അംഗീകാരം നല്‍കി.

Resident Editor, KUWAIT
Jobin ThomasResident Editor, KUWAIT

കുവൈറ്റ് മലയാളികൾക്ക് അവരുടെ വിശേഷങ്ങളും വാർത്തകളും ഗർഷോമിൽ പ്രസിദ്ധീകരിക്കാം. വാർത്തകൾ അയക്കുന്നവർ വാർത്തകളുമായി ബന്ധപ്പെട്ട ഫോട്ടോ / വീഡിയോ കൂടി അയക്കുവാൻ ശ്രദ്ധിക്കുമല്ലോ. വാർത്തകളും വിശേഷങ്ങളും അയക്കേണ്ട വിലാസം jobin@garshom.com

Top
x