ഗർഷോം
ന്യൂഡല്ഹി: ക്ഷേമപദ്ധതികളുടെ ആനുകൂല്യം ലഭിക്കുന്നതിന് ആധാര് നമ്പര് നല്കാനുള്ള സമയപരിധി നീട്ടുമെന്നു കേന്ദ്ര സര്ക്കാര് സുപ്രീം കോടതിയില് വ്യക്തമാക്കി. ഡിസംബര് 31 വരെയാണ് സമയപരിധി നീട്ടുന്നത്. ക്ഷേമ പദ്ധതികളെ ആധാറുമായി ബന്ധിപ്പിക്കുന്നതു ചോദ്യംചെയ്തും സ്വകാര്യതയ്ക്കുള്ള മൗലികാവകാശത്തിന്റെ ലംഘനം ആരോപിച്ചുമുള്ള ഹര്ജികള് നവംബര് ആദ്യവാരം സുപ്രീം കോടതി പരിഗണിക്കും.
ആധാര് പദ്ധതി സ്വകാര്യതയുടെ ലംഘനമാണെന്നും 17 ക്ഷേമ പദ്ധതികള്ക്ക് ആധാര് നിര്ബന്ധമാക്കുന്നത് ആനുകൂല്യങ്ങള് നിഷേധിക്കപ്പെടുന്ന സ്ഥിതിയുണ്ടാക്കുമെന്നും ചൂണ്ടിക്കാട്ടി നല്കിയ ഹര്ജികളാണു കോടതിയുടെ പരിഗണനയിലുള്ളത്. സ്വകാര്യത മൗലികാവകാശം തന്നെയെന്ന് ഒന്പതംഗ ബെഞ്ച് കഴിഞ്ഞ 24നു വിധിച്ചിരുന്നു.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.