ഗർഷോം
ഇനിമുതൽ യാത്രക്കാർക്ക് ആദ്യ ഒരുമണിക്കൂറില്‍ മുഴുവന്‍ വേഗതയിലും തുടര്‍ന്ന് നിയന്ത്രിതവേഗതയിലും സ്റ്റേഷനിൽ ഇന്‍റര്‍നെറ്റ് സൗകര്യം സൗജന്യമായി ഉപയോഗിക്കാനാകും.
തൃശൂർ: റെയിൽവേ സ്റ്റേഷൻ ഹൈടെക് ആക്കുന്നതിന്റെ ഭാഗമായി തൃശൂർ റെയിൽവേ സ്റ്റേഷനിൽ സൗജന്യ വൈഫൈ സൗകര്യം ഏർപ്പെടുത്തി. ഇനിമുതൽ യാത്രക്കാർക്ക് ആദ്യ ഒരുമണിക്കൂറില്‍ മുഴുവന്‍ വേഗതയിലും തുടര്‍ന്ന് നിയന്ത്രിതവേഗതയിലും സ്റ്റേഷനിൽ ഇന്‍റര്‍നെറ്റ് സൗകര്യം സൗജന്യമായി ഉപയോഗിക്കാനാകും.
ഫോണില്‍ വൈഫൈ ഓണാക്കിയാൽ ഫോണിലേക്ക് ഒരു കോഡ് നമ്പര്‍ അയച്ചുകിട്ടും. ഇത് ഉപയോഗിച്ച്‌ വൈഫൈ ഉപയോഗിച്ചു തുടങ്ങാമെന്ന് അധികൃതർ അറിയിച്ചു. ഇതോടൊപ്പം മേല്‍പ്പാലത്തിലേയ്ക്ക് കയറുവാനുള്ള എസ്കലേറ്റർ സൗകര്യവും ലഭ്യമാക്കിയിട്ടുണ്ട്. അടിയന്തര ചികിത്സാസൗകര്യങ്ങളോടു കൂടിയ മെഡിക്കല്‍ സ്റ്റോറും വൈകാതെ പ്ലാറ്റ്ഫോമില്‍ പ്രവര്‍ത്തനമാരംഭിയ്ക്കും.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.