ബാംഗ്ലൂർ: 17 -മത് ഗർഷോം രാജ്യാന്തര പുരസ്കാരങ്ങൾക്കുള്ള നാമനിർദേശങ്ങൾ ക്ഷണിച്ചു. 2022 ഏപ്രിൽ 1 മുതൽ ജൂൺ 30 വരെ ഓൺലൈനായി നാമനിർദ്ദേശങ്ങൾ സമർപ്പിക്കാം. കേരളത്തിന്പുറത്തു വസിക്കുന്ന പ്രവാസി മലയാളികളെയും, സ്ഥാപനങ്ങളെയും, സംഘടനകളെയും 17 -മത് ഗർഷോം അവാർഡുകൾക്കായി നാമനിർദ്ദേശം ചെയ്യാം. പുരസ്കാരങ്ങൾ 2022 ഡിസംബറിൽ സമ്മാനിക്കും.
കേരളത്തിന് പുറത്തു വസിക്കുന്ന പ്രവാസി മലയാളികളെ ആദരിക്കുവാൻ ബാംഗ്ലൂർ ആസ്ഥാനമായ ഗർഷോം ഫൗണ്ടേഷനാണ് ഗർഷോം പുരസ്കാരങ്ങൾ ഏർപ്പെടുത്തിയിരിക്കുന്നത്. 21 രാജ്യങ്ങളിൽ നിന്നുമായി 73 പ്രവാസി മലയാളികളും 11 മലയാളി സംഘടനകളും ഇതുവരെ ഗർഷോം പുരസ്കാരങ്ങൾക്ക് അർഹരായിട്ടുണ്ട്. 2002 ലെ പ്രഥമ ഗർഷോം പുരസ്കാരം ജർമനിയിലെ ഡോ. പോളി മാത്യു സോമതീരത്തിനാണ് ലഭിച്ചത്.
സാമൂഹ്യ സേവനം, ബിസിനസ് രംഗങ്ങളിൽ മികവ് പുലർത്തുന്ന പ്രവാസി മലയാളികളെയും വിവിധ മേഖലകളിൽ പ്രതിഭ തെളിയിച്ച കുട്ടികൾക്കുമാണ് ഗർഷോം പുരസ്കാരങ്ങൾ സമ്മാനിക്കുന്നത്. സാമൂഹ്യ- സാംസ്കാരിക രംഗങ്ങളിൽ സ്തുത്യർക്കമായ സേവനം നടത്തുന്ന മലയാളി സംഘടനകളെയും നാമനിർദ്ദേശം ചെയ്യാം. പ്രവാസി മലയാളികളുടെ മികവുറ്റ മാതൃക സംരംഭങ്ങളെയും ഗർഷോം പുരസ്കാരങ്ങൾക്കായി നാമനിർദ്ദേശം ചെയ്യാവുന്നതാണ്.
നോർവേ, ജപ്പാൻ, ഇന്ത്യ, മലേഷ്യ, കുവൈറ്റ്, യു എ ഇ എന്നീ രാജ്യങ്ങളിലെ വിവിധ നഗരങ്ങൾ ഗർഷോം രാജ്യാന്തര പുരസ്കാര ദാനച്ചടങ്ങുകൾക്കു ആതിഥ്യമരുളിയിട്ടുണ്ട്.
ഓൺലൈൻ നോമിനേഷൻ സംബന്ധിച്ച മാർഗനിർദ്ദേശങ്ങൾക്കും, നാമനിർദ്ദേശങ്ങൾ സമർപ്പിക്കുന്നതിനും ഇവിടെ ക്ലിക്ക് ചെയ്യുക.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.