ഗർഷോം
കൊച്ചി: കലൂര് മുതല് മഹാരാജാസ് വരെയുള്ള മെട്രോ പാതയില് ചൊവ്വാഴ്ച മുതല് സര്വീസ് ആരംഭിക്കും. അഞ്ച് കിലോമീറ്റര് ദൈര്ഘ്യമുള്ളതാണ് ഈ പാത. സര്വീസ് യാഥാര്ഥ്യമാകുന്നതോടെ കൊച്ചി മെട്രോയുടെ ആകെ ദൂരം 18 കിലോമീറ്ററാവും. നഗരത്തിലെ പ്രധാന ഭാഗങ്ങളിലേക്ക് കൂടി മെട്രോ ഓടിയെത്തുന്നതോടെ യാത്രക്കാരുടെ എണ്ണത്തില് വര്ധനവുണ്ടാകുമെന്നാണ് കെഎംആര്എലിന്റെ പ്രതീക്ഷ.
നെഹ്റു സ്റ്റേഡിയം, കലൂര് ജംഗ്ഷന്, ലിസി, എംജി റോഡ്, മഹാരാജാസ് തുടങ്ങി അഞ്ച് സ്റ്റേഷനുകളാണ് കലൂര് മുതല് മഹാരാജാസ് വരെയുള്ളത്. ചൊവാഴ്ചയാണ് സര്വീസ് ഉദ്ഘാടനം നിശ്ചയിച്ചിരിക്കുന്നത്. മുഖ്യമന്ത്രി പിണറായി വിജയനും കേന്ദ്ര നഗരവികസന മന്ത്രി ഹര്ദീപ് പുരിയും ചേര്ന്നാവും ഉദ്ഘാടനം നിര്വഹിക്കുക.
നിരക്കുകള് പരിഷ്കരിക്കുന്നത് ഉള്പ്പെടെയുള്ള നടപടികള് പുതിയ സര്വീസ് തുടങ്ങുന്നതോടെ നടപ്പാക്കും. സ്ഥിരം യാത്രക്കാര്ക്ക് നിരക്കുകളില് ഇളവും നല്കും. വ്യത്യസ്തവും ആകര്ഷകവുമായ തീമുകളും ഡിസൈനുകളും ഉപയോഗിച്ചാണ് അഞ്ച് സ്റ്റേഷനുകളും അണിയിച്ചൊരുക്കിയിരിക്കുന്നത്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.