ഗർഷോം
തിരുവനന്തപുരം: സംസ്ഥാനത്തെ പതിനാല് തദ്ദേശസ്വയംഭരണ വാര്‍ഡുകളില്‍ 2017 ജനുവരി നാലിന് ഉപതിരഞ്ഞെടുപ്പ് നടത്താന്‍ തീരുമാനിച്ചതായി തിരഞ്ഞെടുപ്പു കമ്മീഷണര്‍ വി.ഭാസ്‌കരന്‍ അറിയിച്ചു. 10 ജില്ലകളിലുള്ള 14 ഗ്രാമപഞ്ചായത്ത് വാര്‍ഡുകളിലും ഒരു കോര്‍പ്പറേഷന്‍ വാര്‍ഡിലുമാണ് ഉപതിരഞ്ഞെടുപ്പ്.
ഉപതിരഞ്ഞെടുപ്പു നടക്കുന്ന ജില്ല, തദ്ദേശസ്വയംഭരണ സ്ഥാപനം, വാര്‍ഡ്/നിയോജക മണ്ഡലം, എന്ന ക്രമത്തില്‍.
തിരുവനന്തപുരം- കരകുളം ഗ്രാമപഞ്ചായത്ത്- 10 കാച്ചാണി,
കൊല്ലം-മുനിസിപ്പല്‍ കോര്‍പ്പറേഷന്‍- 12 തേവള്ളി,
പത്തനംതിട്ട-റാന്നി പഴവങ്ങാടി ഗ്രാമപഞ്ചായത്ത്- 04, കണ്ണങ്കര,
ആലപ്പുഴ-പുറക്കാട് ഗ്രാമപഞ്ചായത്ത്- 13, ആനന്ദേശ്വരം, കൈനകരി ഗ്രാമപഞ്ചായത്ത്- 02 ചെറുകാലികായല്‍,
കോട്ടയം- മുത്തോലി ഗ്രാമപഞ്ചായത്ത്-12 തെക്കുംമുറി,
എറണാകുളം- കൂവപ്പടി ഗ്രാമപഞ്ചായത്ത്-10 കൂവപ്പടി സൗത്ത്,
പാലക്കാട്- കോട്ടോപ്പാടം ഗ്രാമപഞ്ചായത്ത്-07 അമ്പാഴക്കോട്, തെങ്കര ഗ്രാമപഞ്ചായത്ത്-14 പാഞ്ചക്കോട്, മങ്കര ഗ്രാമപഞ്ചായത്ത്-08 മങ്കര ആര്‍.എസ്,
കോഴിക്കോട്- തിരുവമ്പാടി ഗ്രാമപഞ്ചായത്ത്-09 മറിയപ്പുറം,
കണ്ണൂര്‍- കണ്ണപുരം ഗ്രാമപഞ്ചായത്ത്-09 മൊട്ടമ്മല്‍, ചെറുപുഴ ഗ്രാമപഞ്ചായത്ത്-08 രാജഗിരി, പിണറായി ഗ്രാമപഞ്ചായത്ത്-16 പടന്നക്കര,
കാസര്‍ഗോഡ്- മീഞ്ച ഗ്രാമപഞ്ചായത്ത്-11 മജിബയല്‍.
ഉപതിരഞ്ഞെടുപ്പുമായി ബന്ധപ്പെട്ട മാതൃകാ പെരുമാറ്റച്ചട്ടം നവംബര്‍ 30ന് പ്രാബല്യത്തില്‍ വന്നു. നാമനിര്‍ദേശ പത്രിക സമര്‍പ്പിക്കുന്നതിനുള്ള അവസാന തീയതി ഡിസംബര്‍ 14 . പത്രികകളുടെ സൂക്ഷ്മ പരിശോധന 15നും സ്ഥാനാര്‍ത്ഥിത്വം പിന്‍വലിക്കാനുളള അവസാന തീയതി 17നുമാണ്. വോട്ടെടുപ്പ് 2017 ജനുവരി നാലിന് രാവിലെ ഏഴിന് ആരംഭിച്ച് വൈകിട്ട് അഞ്ചിന് അവസാനിക്കും . വോട്ടെണ്ണല്‍ ജനുവരി അഞ്ചിന് നടക്കും.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.