ഗർഷോം
തിരുവനന്തപുരം: മലയാളം ഔദ്യോഗിക ഭാഷയാക്കി നിയമം നിലവില് വന്നു. ഇന്ന് മുതല് സെക്രട്ടറിയേറ്റ് ഉള്പ്പെടെ സംസ്ഥാനത്തെ എല്ലാ സര്ക്കാര് ഓഫീസുകളിലും മലയാളം നിര്ബന്ധമാക്കി.
സര്ക്കാര്, അര്ധസര്ക്കാര്, പൊതുമേഖല, സ്വയംഭരണ, സഹകരണ സ്ഥാപനങ്ങള്ക്കെല്ലാം നിയമം ബാധകമാണ്. ഉത്തരവുകളും സര്ക്കുലറുകളും കത്തുകളും മലയാളത്തില് തന്നെ വേണമെന്ന് നിര്ബന്ധമാക്കിയിട്ടുണ്ട്. ഓഫീസ് ബോര്ഡുകള്, ഉദ്യോഗസ്ഥരുടെ പേര്, ഉദ്യോഗപ്പേര് എന്നിവ ബോര്ഡുകളില് മലയാളത്തിലും ഇംഗ്ലീഷിലും തുല്യ വലുപ്പത്തില് പ്രദര്ശിപ്പിക്കണം.
ഓഫീസ് മുദ്രകള്, ഉദ്യോഗസ്ഥരുടെ പേര് അടങ്ങുന്ന തസ്തികമുദ്രകള് എന്നിവയും മാതൃഭാഷയില് തന്നെവേണം. അതേസമയം സംസ്ഥാനത്തെ തമിഴ്, കന്നട ഭാഷാ ന്യൂനപക്ഷങ്ങള്ക്ക് ഭരണഭാഷ സംബന്ധിച്ച് നിലവില് നല്കുന്ന ഇളവുകള് നിലനിര്ത്തിയിട്ടുണ്ട്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.