ഗർഷോം
മുംബൈ: ദേശീയ സ്‌റ്റോക് എക്‌സ്‌ചേഞ്ച് സി.ഇ.ഒ ചിത്ര രാമകൃഷ്ണ രാജിവെച്ചു. ഡയറക്ടര്‍ ബോര്‍ഡുമായുള്ള അഭിപ്രായ ഭിന്നതയാണ് രാജിക്ക് കാരണമെന്നാണ് അറിയുന്നത്. എന്നാല്‍ വാര്‍ത്തയോട് പ്രതികരിക്കാന്‍ എന്‍.എസ്.ഇയോ ചിത്ര രാമകൃഷ്ണനോ തയാറായില്ല. ജെ. രവിചന്ദ്രന്‍ എന്‍.എസ്.ഇയുടെ ഇടക്കാല സി.ഇ.ഒ ആവുമെന്ന് റിപ്പോര്‍ട്ട്. ഈ സാമ്പത്തിക വര്‍ഷത്തേക്കായിരിക്കും അദ്ദേഹത്തിന്റെ നിയമനം.
ദേശീയ സ്‌റ്റോക് എക്‌സ്‌ചേഞ്ചിന്റെ ആദ്യത്തെ വനിത സി.ഇ.ഒ ആണ് ചിത്ര രാമകൃഷ്ണന്‍. വേള്‍ഡ് ഫെഡറേഷന്‍ ഓഫ് എക്‌സ്‌ചേഞ്ചിന്റെ ആദ്യ വനിത അധ്യക്ഷ കൂടിയാണവര്‍. ചില പുതിയ ഐ.പി.ഒകളിലേക്ക് ദേശീയ സ്‌റ്റോക് എക്‌സ്‌ചേഞ്ച് കടക്കാനിരിക്കെയാണ് ചിത്ര രാമകൃഷ്ണന്റെ രാജി.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.