ഗർഷോം
കൊച്ചി: പ്രളയത്തെ തുടര്ന്ന് അടച്ച നെടുമ്പാശേരി വിമാനത്താവളം ബുധനാഴ്ച തുറക്കും. യാത്രക്കാര്ക്ക് ടിക്കറ്റുകള് ബുക്ക് ചെയ്യാനുളള അവസരം ലഭ്യമാക്കിയിട്ടുണ്ടെന്നും സിയാല് അധികൃതര് അറിയിച്ചു. ഉച്ചയ്ക്ക് രണ്ടു മണി മുതല് ആഭ്യന്തര, രാജ്യാന്തര സര്വീസുകള് സാധാരണനിലയില് നടത്തുമെന്ന് വിമാനത്താവള കമ്പനി അറിയിച്ചു. അതേസമയം കൊച്ചി നേവല് ബേസില് നിന്നുളള വിമാനസര്വീസുകള് ബുധനാഴ്ച ഉച്ചയോടെ അവസാനിപ്പിക്കും.
ഇടുക്കി ചെറുതോണി അണക്കെട്ട് തുറന്നതും കനത്ത മഴ തുടര്ന്നതും മൂലം വെള്ളം കയറിയതിനെ തുടര്ന്നാണ് നെടുമ്പാശേരി വിമാനത്താവളം അടച്ചത്. വെള്ളം കയറിയതോടെ ആദ്യം 18 വരെയും പിന്നീട് 26 വരെയും വിമാനത്താവളം അടച്ചു.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.