ഗർഷോം
മലിനീകരണ നിയന്ത്രണ അതോറിട്ടിയുടെ നിര്ദേശങ്ങള് പരിഗണിച്ച് അന്തരീക്ഷ മലിനീകരണം തടയാനുള്ള നടപടികളുടെ ഭാഗമായാണ് പുതിയ ഉത്തരവ്. വാഹന ഇന്ഷുറന്സ് എടുക്കണമെങ്കില് വാഹന ഉടമ മലിനീകരണം നിയന്ത്രിത അളവിലാണെന്ന സര്ട്ടിഫിക്കറ്റ് ഹാജരാക്കണം.
ന്യൂഡല്ഹി: വാഹന ഇന്ഷുറന്സിന് ഇനി മുതല് പുക സര്ട്ടിഫിക്കറ്റ് നിര്ബന്ധമാണെന്ന് സുപ്രീംകോടതി. മലിനീകരണ നിയന്ത്രണ സര്ട്ടിഫിക്കറ്റ് ഇല്ലാത്ത വാഹനങ്ങള്ക്ക് ഇന്ഷുറന്സ് നല്കരുതെന്നാണ് സുപ്രീംകോടതി ഉത്തരവ്. മലിനീകരണ നിയന്ത്രണ അതോറിട്ടിയുടെ നിര്ദേശങ്ങള് പരിഗണിച്ച് അന്തരീക്ഷ മലിനീകരണം തടയാനുള്ള നടപടികളുടെ ഭാഗമായാണ് പുതിയ ഉത്തരവ്.
വാഹന ഇന്ഷുറന്സ് എടുക്കണമെങ്കില് വാഹന ഉടമ മലിനീകരണം നിയന്ത്രിത അളവിലാണെന്ന സര്ട്ടിഫിക്കറ്റ് ഹാജരാക്കണം. ഡല്ഹിയില് ഓടുന്ന വാഹനങള്ക്ക് പുക സര്ട്ടിഫിക്കറ്റ് ഉണ്ടെന്ന് ഉറപ്പാക്കുന്നതിന് ആവശ്യമായ പരിശോധന കേന്ദ്രങ്ങളുണ്ടെന്ന് കേന്ദ്ര സര്ക്കാര് ഉറപ്പുവരുത്തണമെന്നും കോടതി പറഞ്ഞു.
എല്ലാ ഇന്ധന വില്പന ശാലകളോടനുബന്ധിച്ചും പുക പരിശോധന കേന്ദ്രങ്ങള് തുടങ്ങുമെന്ന് ഉറപ്പാക്കാന് റോഡ് ഗതാഗത മന്ത്രാലയത്തിനും കോടതി നിര്ദേശം നല്കി. ഉത്തരവ് നടപ്പിലാക്കാന് നാലാഴ്ച സമയവും നല്കിയിട്ടുണ്ട്. അന്തരീക്ഷ മലിനീകരണം തടയുന്നതിന്റെ ഭാഗമായി നേരത്തെ 2000 സിസിക്ക് മുകളിലുള്ള വാഹനങ്ങള് നിരോധിച്ചിരുന്നു.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.