ഗർഷോം
30 വരെ സന്ദര്ശകര്ക്കു പൂര്ണ വിലക്ക് ഏര്പ്പെടുത്തി. എയര്പോര്ട്ട് അതോറിറ്റി ഓഫ് ഇന്ത്യ, കേന്ദ്ര രഹസ്യാന്വേഷണ വിഭാഗം, ബ്യൂറോ ഓഫ് സിവില് ഏവിയേഷന് സെക്യൂരിറ്റി എന്നീ ഏജന്സികളാണു ജാഗ്രതാ നിര്ദേശം നല്കിയത്.
തിരുവനന്തപുരം: ഭീകരരെ മോചിപ്പിക്കാനായി വിമാനം റാഞ്ചാന് സാധ്യതയുണ്ടെന്ന കേന്ദ്ര സര്ക്കാരിന്റെ മുന്നറിയിപ്പിനെ തുടര്ന്നു രാജ്യാന്തര വിമാനത്താവളത്തില് സുരക്ഷ ശക്തമാക്കി. 30 വരെ സന്ദര്ശകര്ക്കു പൂര്ണ വിലക്ക് ഏര്പ്പെടുത്തി. എയര്പോര്ട്ട് അതോറിറ്റി ഓഫ് ഇന്ത്യ, കേന്ദ്ര രഹസ്യാന്വേഷണ വിഭാഗം, ബ്യൂറോ ഓഫ് സിവില് ഏവിയേഷന് സെക്യൂരിറ്റി എന്നീ ഏജന്സികളാണു ജാഗ്രതാ നിര്ദേശം നല്കിയത്.
ബ്യൂറോ ഓഫ് സിവില് ഏവിയേഷന് സെക്യൂരിറ്റിയുടെ നിര്ദേശപ്രകാരം കൂടുതല് സിഐഎസ്എഫ് കമാന്ഡോകളെയും ദ്രുതകര്മ സേനാംഗങ്ങളെയും വിമാനത്താവള പരിസരത്തു വിന്യസിച്ചു. യാത്രക്കാരുടെ ബാഗുകള് രണ്ടുതവണ പരിശോധിക്കും. കൊളംബോ, മാലെ വിമാനത്താവളങ്ങള് തിരുവനന്തപുരത്തിനു സമീപത്തായതു സാധ്യത വര്ധിപ്പിക്കുന്നുണ്ടെന്ന് അധികൃതര് സൂചിപ്പിച്ചു. പ്രത്യേകിച്ചും മാലദ്വീപില് പാക്കിസ്ഥാന്റെയും ചൈനയുടെയും സാന്നിധ്യം പ്രകടമാകുന്ന സാഹചര്യവും അവര് ചൂണ്ടിക്കാട്ടിയിട്ടുണ്ട്.
സിഐഎസ്എഫിനു പുറമെ, വ്യോമസേനാ കമാന്ഡിനും കരസേനാ സ്റ്റേഷനും പൊലീസിനും പ്രത്യേക ജാഗ്രതാ നിര്ദേശം നല്കിയിട്ടുണ്ട്. ഏതു സാഹചര്യവും നേരിടാന് തയാറായിരിക്കാന് പൊലീസിനും നിര്ദേശമുണ്ട്. വിമാനത്താവളത്തിനു 13 കിലോമീറ്റര് ചുറ്റളവില് സായുധ സുരക്ഷ ഏര്പ്പെടുത്തും.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.