ഗർഷോം
ന്യൂഡല്ഹി: ഇന്ത്യക്കാര്ക്ക് പുതിയ തൊഴില് വിസ അനുവദിക്കുന്നതിനുള്ള നടപടികള് ഖത്തര് പുനരാരംഭിക്കുന്നു. ഖത്തറിലേക്കുള്ള വിസാ നടപടികള്ക്കായി കേരളത്തിലുള്പ്പെടെ ഇന്ത്യയിലെ വിവിധ ഭാഗങ്ങളിലായി പ്രവര്ത്തിക്കുന്ന വിസാ സെന്ററുകള് ഡിസംബര് 12 മുതല് പ്രവര്ത്തനം പുനരാരംഭിക്കും. കോവിഡ് സാഹചര്യത്തില് പ്രവര്ത്തനം നിര്ത്തിവെച്ച സെന്ററുകളാണ് വീണ്ടും തുറക്കുന്നത്. ഈ സെന്റററുകള് വഴി വിസാ നടപടികള് നടത്താനുള്ള അപ്പോയിന്മെന്റുകള് സെന്ററുകളുടെ വെബ്സൈറ്റ് മുഖേന പൂര്ത്തീകരിക്കാവുന്നതാണ്.
കൊച്ചി, ന്യൂഡല്ഹി, കൊല്ക്കത്ത, ലക്നൗ, ഹൈദരാബാദ്, ചെന്നൈ എന്നിവിടങ്ങളിലാണ് ഖത്തര് വിസാ സെന്ററുകള് പ്രവര്ത്തിക്കുന്നത്. കൊച്ചി ഇടപ്പള്ളി ചങ്ങമ്പുഴ പാര്ക്ക് മെട്രോ സ്റ്റേഷന് സമീപം നാഷണല് പേള് സ്റ്റാര് ബില്ഡിങിലാണ് ഖത്തര് വിസാ സെന്റര് പ്രവര്ത്തിക്കുന്നത്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.