ഗർഷോം
ന്യൂഡൽഹി: ബാങ്കിൽ നിക്ഷേപിക്കുന്ന തുക പിന്‍വലിക്കാന്‍ ഏർപ്പെടുത്തിയ നിയന്ത്രണം നീക്കിയതായി റിസര്‍വ് ബാങ്ക് ഓഫ് ഇന്ത്യ അറിയിച്ചു. ബാങ്കില്‍ നിന്ന് സ്ലിപ്പ് എഴുതി എപ്പോള്‍ വേണമെങ്കിലും നിക്ഷേപിക്കുന്ന തുക പിന്‍വലിക്കാമെന്നാണ് അറിയിച്ചിരിക്കുന്നത്. നിലവിലുള്ള പ്രതിവാരം 24,000 രൂപ എന്ന പരിധി ഈ തുകയ്ക്ക് ബാധകമാവില്ല.
എന്നാൽ എടിഎം വഴി പിൻവലിക്കുന്നതിനു ഏർപ്പെടുത്തിയ നിയന്ത്രണം തുടരും. നിക്ഷേപിച്ച തുക പിന്‍വലിക്കുമ്പോള്‍ പുതിയ 500, 2000 നോട്ടുകളാകും നല്‍കുകയെന്നും റിസര്‍വ് ബാങ്ക് അറിയിച്ചിട്ടുണ്ട്. നവംബര്‍ 28 വരെയുള്ള നിക്ഷേപങ്ങള്‍ക്ക് പഴയ നിയന്ത്രണങ്ങള്‍ ബാധകമായിരിക്കും. ഇവർക്ക് പ്രതിവാരം 24,000 രൂപ മാത്രമേ പിന്‍വലിക്കാനാകൂ. എന്നാൽ പുതിയ നോട്ടുകൾ ആണ് നിക്ഷേപിച്ചതെങ്കിൽ ഈ നിയന്ത്രണം ബാധകമാകില്ല.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.