ആര്‍ബിഐ പുതിയ ഒരു രൂപാ നോട്ടുകള്‍ പുറത്തിറക്കുന്നു

ന്യൂഡല്‍ഹി: നോട്ട് അസാധുവാക്കലിനു ശേഷം പുതിയ അഞ്ഞൂറിന്റെയും രണ്ടായിരത്തിന്റെയും നോട്ടുകള്‍ ഇറക്കിയതിന് പിന്നാലെ ഒരു രൂപയുടെ പുതിയ നോട്ടുകള്‍ റിസര്‍വ് ബാങ്ക് വീണ്ടും പുറത്തിറക്കുന്നു. ആര്‍ബിഐ കഴിഞ്ഞ ദിവസമാണ് ഇക്കാര്യം വ്യക്തമാക്കിയത്.

20 വര്‍ഷം മുമ്പാണ് ഒരു രൂപ നോട്ടുകളുടെ അച്ചടി നിര്‍ത്തിയത്. പുതിയ രൂപത്തില്‍ ഒരു രൂപ നോട്ട് വീണ്ടും ഇറക്കാനാണ് പദ്ധതി. അതേസമയം പുതിയ ഒരു രൂപ നോട്ടിനൊപ്പം നിലവിലുള്ള നാണയവും തുടരുമെന്ന് ആര്‍ബിഐ വ്യക്തമാക്കിയിട്ടുണ്ട്. പിങ്ക്, പച്ച നിറങ്ങളിലാവും പുതിയ നോട്ടുകള്‍ പുറത്തിറക്കുക. ഒരു രൂപ നാണയത്തിന്റെ ചിത്രവും നോട്ടിലുണ്ടാകും.