ഗർഷോം
ന്യൂഡല്ഹി: പൊതുമേഖലാ ബാങ്കായ എസ്ബിഐ, എടിഎമ്മില് നിന്ന് പ്രതിദിനം പിന്വലിക്കാവുന്ന തുകയുടെ പരിധി 20,000 രൂപയാക്കി കുറയ്ക്കുന്നു. മാസ്റ്ററോ, ക്ലാസിക്, എടിഎം കാര്ഡുകള് ഉപയോഗിച്ച് പിന്വലിക്കാവുന്ന തുകയുടെ പരിധിയാണ് കുറയ്ക്കുന്നത്. നിലവില് 40,000 രൂപ വരെ പിന്വലിക്കാവുന്നിടത്താണിത്. ഒക്ടോബര് 31 മുതലാവും ഇത് പ്രാബല്യത്തില് വരിക.
മിക്ക എടിഎം ഇടപാടുകളും ചെറിയ തുകയുടേതാണെന്നും കൂടുതല് ഉപഭോക്താക്കള്ക്കും 20,000 രൂപയുടെ പരിധി പര്യാപ്തമായിരിക്കുമെന്നും എസ്ബിഐ മാനേജിങ് ഡയറക്ടര് പി.കെ. ഗുപ്ത പറഞ്ഞു.
എ.ടി.എം. മുഖേനയുള്ള തട്ടിപ്പുകള് കൂടുന്നതു കൊണ്ടും ഡിജിറ്റല് പണമിടപാടുകള് വ്യാപിപ്പിക്കുന്നതിന്റെ ഭാഗമായും ആണ് നടപടി. ഇതു സംബന്ധിച്ച വിജ്ഞാപനം നോട്ടീസ് ബോര്ഡില് പ്രദര്ശിപ്പിക്കാന് എല്ലാ ശാഖകള്ക്കും നിര്ദേശം നല്കിയിട്ടുണ്ട്. ചെലവ് ചുരുക്കലിന്റെ ഭാഗമായി സേവന നിരക്കില്ലാതെ എടിഎം വഴി പണം പിന്വലിക്കാനുള്ള പരിധി കുറയ്ക്കാനും ബാങ്ക് ലക്ഷ്യമിടുന്നുണ്ട്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.