ഗർഷോം
തിരുവനന്തപുരം:അസാധുവാക്കിയ 500, 1000 രൂപ നോട്ടുകൾ മാറിയെടുക്കാന്‍ തിരുവനന്തപുരം വിമാനത്താവളത്തില്‍ സ്റ്റേറ്റ് ബാങ്ക് ഓഫ് ട്രാവൻകൂർ പ്രത്യേക കൗണ്ടർ തുറന്നു. ഇരുപത്തിനാല് മണിക്കൂറും കൗണ്ടറിൽ സേവനം ലഭ്യമാകുമെന്ന് അധികൃതർ അറിയിച്ചു. യാത്രക്കാര്‍ക്ക് അസാധുവായ 500,1000 രൂപ നോട്ടുകള്‍ ഈ കണ്ടറുകളിലൂടെ മാറ്റി വാങ്ങാവുന്നതാണ്.
അതിനിടെ അസാധു നോട്ടുകളുടെ വിനിമയം അനുവദിക്കാത്തതിനെ തുടര്‍ന്ന് ജില്ലാ സഹകരണ ബാങ്കുകളില്‍ നിന്ന് നിക്ഷേപകര്‍ ഒരാഴ്ച കൊണ്ട് 20 കോടിരൂപയുടെ നിക്ഷേപങ്ങൾ പിൻ വലിച്ചു. ജില്ലാ സഹകരണ ബാങ്കുകളുടെ പ്രവര്‍ത്തനം ഇത്തരത്തില്‍ സ്തംഭിച്ച സാഹചര്യത്തിലാണ് പല നിക്ഷേപകരും പണം പിന്‍വലിക്കാന്‍ തുടങ്ങിയത്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.