ഗർഷോം
തിരുവനന്തപുരം: വിദേശത്ത് തൊഴില് തേടുന്നവര്ക്ക് നൈപുണ്യം മെച്ചപ്പെടുത്തുന്നതിന് കേരളത്തിലെ വിവിധ സ്ഥാപനങ്ങള് മുഖാന്തരം നൈപുണ്യ വികസനത്തിന്റെ രണ്ടാംഘട്ട പരിശീലന പരിപാടി നോര്ക്ക റൂട്ട്സ് സംഘടിപ്പിക്കും. HAAD/PROMETRIC/MOH/DOH തുടങ്ങിയ പരീക്ഷകള് പാസാകുന്നതിന് കേരള സര്ക്കാര് സ്ഥാപനമായ കേരള അക്കാദമി ഫോര് സ്കില്സ് എക്സലന്സിന്റെ അംഗീകൃത സ്ഥാപനമായ നഴ്സിങ് ഇന്സ്റ്റിറ്റ്യൂട്ട് ഫോര് കരിയര് എന്ഹാന്സ്മെന്റ് മുഖാന്തരം രണ്ടാം ഘട്ട പരിശീലനം നോര്ക്ക റൂട്ട്സ് നല്കും.
ജിഎന്എം/ബിഎസ്സി/എംഎസ്സിയും കുറഞ്ഞത് രണ്ടു വര്ഷത്തെ പ്രവൃത്തി പരിചയവും ഉളള ഉദ്യോഗാര്ഥികള്ക്ക് അപേക്ഷിക്കാവുന്നതാണ്. അപേക്ഷകരില് നിന്ന് യോഗ്യതാ പരീക്ഷയിലൂടെ തിരഞ്ഞെടുക്കപ്പെടുന്നവര്ക്ക് പ്രവേശനം ലഭിക്കും. കോഴ്സ് തുകയുടെ 75% നോര്ക്ക വഹിക്കും.
പരിശീലനത്തിന് താല്പ്പര്യമുളളവര് 2020 ജനുവരി 31 ന് മുന്പ് നോര്ക്ക റൂട്ട്സ് വെബ്സൈറ്റില് പേരുവിവരങ്ങള് രജിസ്റ്റര് ചെയ്യണമെന്ന് ചീഫ് എക്സിക്യൂട്ടീവ് ഓഫീസര് അറിയിച്ചു. കൂടുതല് വിവരങ്ങള്ക്ക് നോര്ക്ക റൂട്ട്സിന്റെ വെബ്സൈറ്റായ www.norkaroots.org ലും ടോള് ഫ്രീ നമ്പരായ 1800 425 3939 (ഇന്ത്യയില് നിന്നും), 9497319640, 9895762632,9895364254 നമ്പരുകളില് ബന്ധപ്പെടാവുന്നതാണ്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.