വ്യാഴാഴ്ച ഓപറേഷനല് ഏരിയയില് വെള്ളം കയറിയതിനെത്തുടര്ന്ന് രണ്ടുമണിക്കൂര് വിമാനത്താവളത്തിലെ വിമാന സര്വിസുകള് നിര്ത്തിവെച്ചെങ്കിലും വെള്ളിയാഴ്ച സാധാരണപോലെ നടന്നു. ഇടുക്കിയില്നിന്നുള്ള വെള്ളം നിയന്ത്രണാതീതമായി ഒഴുകിയെത്തിയാലെ ഇനി പ്രശ്നങ്ങള്ക്ക് സാധ്യതയുള്ളൂവെന്ന് അധികൃതര് പറഞ്ഞു.
ഇടുക്കി, ഇടമലയാര് ഡാമുകള് തുറന്നുവിട്ട സാഹചര്യത്തില് നെടുമ്പാശേരി വിമാനത്താവളത്തില് വിമാനങ്ങള് ഇറങ്ങുന്നതിന് അധികൃതര് നിരോധനം ഏര്പ്പെടുത്തി. ഉച്ചയ്ക്ക് ഒന്നു മുതലാണ് നിരോധനം. എന്നാല് വിമാനങ്ങള് പോകുന്നതിന് നിയന്ത്രണം ഏര്പ്പെടുത്തിയിട്ടില്ലെന്നും ഇക്കാര്യത്തില് കൂടുതല് പരിശോധനകള് തുടരുകയാണെന്നും സിയാല് അധികൃതര് അറിയിച്ചു.
കരിപ്പൂര് വിമാനത്താവളത്തില് നിന്ന് സര്വീസ് നടത്താന് സൗദി എയര്ലൈന്സിന് അനുമതി. വലിയ വിമാനങ്ങള്ക്ക് സര്വീസ് നടത്താന് അനുമതി തേടി സൗദി എയര്ലൈന്സ് സമര്പ്പിച്ച അപേക്ഷ അന്തിമ അനുമതിക്കായി വിമാനത്താവള അതോറിറ്റി ഡിജിസിഎയ്ക്ക് കൈമാറിയിരുന്നു. ഇതിലാണ് അനുമതി ലഭിച്ചത്.
സൗദി ദമ്മാമില് നിന്നുമുള്ള ജെറ്റ് എയര്വേസിന്റെ കോഴിക്കോട്, കൊച്ചി സര്വീസുകള് താല്ക്കാലികമായി നിര്ത്തലാക്കി. സൗദിയില് നിന്നും നേരിട്ട് കേരളത്തിലെ മൂന്ന് വിമാനത്താവളങ്ങളിലേക്കും വിമാന സര്വീസുകള് ഉണ്ടായിരുന്ന പ്രധാന സെക്ടറുകളില് ഒന്നാണ് ദമ്മാം. എയര് ഇന്ത്യയും, ജെറ്റ് എയര്വേസുമായിരുന്നു സര്വീസുകള് നടത്തി വന്നിരുന്നത്.
കരിപ്പൂര് വിമാനത്താവളത്തില് എയര് ഇന്ത്യയുടെ സുരക്ഷാ പരിശോധന തിങ്കളാഴ്ച നടക്കും. വലിയ വിമാനങ്ങള് ഇറങ്ങാനുള്ള സുരക്ഷ ഉണ്ടോയെന്ന് പരിശോധിക്കും. വലിയ വിമാനങ്ങളിറങ്ങാന് കരിപ്പൂരില് എല്ലാ സംവിധാനവും സജ്ജമായതായി എയര്പോര്ട്ട് ഡയറക്ടര് അറിയിച്ചു. റണ്വേ, റിസ നവീകരണ ജോലികളെല്ലാം പൂര്ത്തിയായി.
കേരളത്തില് നിന്നുളള ആദ്യ ഹജ്ജ് വിമാനം നാളെ പുറപ്പെടും. പുലര്ച്ചെ ഒരു മണിക്ക് മന്ത്രി കെ ടി ജലീല് ആദ്യ ഹജ്ജ് വിമാനം ഫ്ലാഗ് ഓഫ് ചെയ്യുന്നതോടെ കേരളത്തില് നിന്നുളള തീര്ഥാടര് പുണ്യഭൂമിയിലേക്ക് തിരിക്കും. 1.55നാണ് ആദ്യ വിമാനം പുറപ്പെടുക. രണ്ട് വിമാനങ്ങളിലായി 810 പേരാണ് യാത്രയാകുന്നത്.
സംസ്ഥാന ഹജ്ജ് കമ്മിറ്റി മുഖേന ഹജ്ജിന് പുറപ്പെടുന്നവരുടെ യാത്ര ഷെഡ്യൂളായി. ആഗസ്റ്റ് ഒന്ന് മുതല് എട്ട് വരെ പോകുന്നവരുടെ യാത്ര വിവരങ്ങളാണ് തയാറായത്. ആദ്യത്തെ പത്ത് വിമാനങ്ങളില് പുറപ്പെടുന്നവരുടെ വിശദാംശങ്ങളാണ് കേന്ദ്ര ഹജ്ജ് കമ്മിറ്റിയില്നിന്ന് ലഭിച്ചിരിക്കുന്നത്.
കരിപ്പൂര് വിമാനത്താവളത്തിലെ പുതിയ അന്താരാഷ്ട്ര ആഗമന ടെര്മിനല് യാത്രക്കാര്ക്കായി തുറന്നുകൊടുക്കുന്നു. ഇത് യാഥാര്ഥ്യമാകുന്നതോടെ യാത്രക്കാര് പുറത്തിറങ്ങാന് മണിക്കൂറുകള് കാത്തുനില്ക്കുന്നതിന് പരിഹാരമാകുമെന്നാണ് പ്രതീക്ഷ. അത്യാധുനിക സൗകര്യങ്ങളോടെ അന്താരാഷ്ട്ര മാനദണ്ഡപ്രകാരം നിര്മിച്ച ടെര്മിനലാണ് അടുത്തയാഴ്ച മുതല് ട്രയല് പ്രവര്ത്തനം ആരംഭിക്കുന്നത്.
ഈ വര്ഷത്തെ ഹജ്ജിന് സംസ്ഥാന ഹജ്ജ് കമ്മിറ്റിയുടെ നേതൃത്വത്തില് 124 പേര്ക്ക് കൂടി അവസരം. കാത്തിരിപ്പ് പട്ടികയില്നിന്നും 2,627 മുതല് 2,871 വരെയുള്ളവര്ക്ക് കൂടിയാണ് അവസരം ലഭിച്ചത്. വിവിധ സംസ്ഥാനങ്ങളില്നിന്നും ഒഴിവ് വന്ന 548 സീറ്റുകളാണ് അപേക്ഷകള് കൂടുതലുള്ള സംസ്ഥാനങ്ങള്ക്ക് കേന്ദ്ര ഹജ്ജ് കമ്മിറ്റി വീതിച്ചു നല്കിയത്.
കരിപ്പൂര് വിമാനത്താവളത്തില് നിന്ന് വലിയ വിമാനങ്ങളുടെ സര്വിസ് പുനരാരംഭിക്കുന്നത് സംബന്ധിച്ച് എം.പിമാര് സിവില് ഏവിയേഷന് ഡയറക്ടര് ജനറലുമായി ചര്ച്ച നടത്തി. ഹജ്ജ് എംബാര്ക്കേഷന് കരിപ്പൂരില് പുനസ്ഥാപിക്കണമെന്നും എം.പിമാര് ചര്ച്ചയില് ഉന്നയിച്ചു.
