ഖത്തറില് പുതുതായി 197 പേര്ക്ക് കൂടി കോവിഡ് രോഗബാധ സ്ഥിരീകരിച്ചു. ഇതോടെ ആകെ രോഗം സ്ഥിരീകരിച്ചവരുടെ എണ്ണം 3428 ആയി. അതേസമയം 39 പേര് കൂടി രോഗവിമുക്തി നേടി. ഇതോടെ ആകെ രോഗം ഭേദമായവരുടെ എണ്ണം 373 ആയി ഉയര്ന്നു.
ഖത്തറില് കോവിഡ് പ്രതിരോധ പ്രവര്ത്തനങ്ങളുടെ ഭാഗമായി വ്യവസായ വാണിജ്യമന്ത്രാലയം രാജ്യവ്യാപകമായി നടത്തുന്ന മാസ്ക് വിതരണത്തിന്റെ രണ്ടാം ഘട്ടത്തിന് തുടക്കം. മാസ്കുകളുടെ വിതരണത്തിന് ഈ ഘട്ടത്തില് കൂടുതല് നിയന്ത്രണങ്ങളേര്പ്പെടുത്തിയിട്ടുണ്ട്. തെരഞ്ഞെടുത്ത ഫാര്മസികളിലൂടെ മാത്രമായിരിക്കും മാസ്കുകള് ലഭ്യമാക്കുകയെന്ന് വ്യവസായ വാണിജ്യമന്ത്രാലയം അറിയിച്ചു.
ഉപഭോകൃത മാനേജുമെന്റ്, ബില്ലിംഗ് സംവിധാനം തുടങ്ങിയവയെ സംയോജിപ്പിച്ചു കൊണ്ടാണ് സ്മാര്ട്ട് മീറ്റര് ഇന്ഫ്രാസ്ട്രക്ചര് സിസ്റ്റം നടപ്പാക്കുക. ഇതോടെ ഓരോ മാസവും കൃത്യമായി തന്നെ ബില്ലിങ് നടത്താം. വൈദ്യുതിയുടെയും വെള്ളത്തിന്റെയും അമിതോപയോഗം കുറയ്ക്കുന്നതിനും ഈ മേഖലയിലുള്ള കുറ്റകൃത്യങ്ങള് കണ്ടുപിടിക്കുന്നതിനും സിസ്റ്റം സഹായകരമാകും.
‘എയര് ഡോക്ടര്’ എന്ന ഉല്പ്പന്നം ഖത്തറില് നിരോധിച്ചു. ഈ ഉല്പ്പന്നം വില്ക്കുകയോ ഉപയോഗിക്കുകയോ ചെയ്യരുതെന്ന് ആവശ്യപ്പെട്ട് ആരോഗ്യമന്ത്രാലയം മുഴുവന് ഫാര്മസികള്ക്കും സര്ക്കുലര് അയച്ചു. വായു അണുവിമുക്തമാക്കുമെന്ന പേരില് വിപണിയിലുള്ളതാണ് ഈ ഉല്പന്നം.
ഖത്തറിലെ പ്രവാസി മലയാളികള്ക്ക് സഹായങ്ങള് നല്കാന് സംസ്ഥാന സര്ക്കാരിന്റെ നോര്ക്ക റൂട്ട്സ് ഹെല്പ് ലൈന് പ്രവര്ത്തനം ആരംഭിച്ചു. ഇന്ത്യന് കമ്യൂണിറ്റി ബെനവലന്റ് ഫോറവുമായി സഹകരിച്ചാണ് ഹെല്പ് ലൈനിന്റെ പ്രവര്ത്തനം. ഹെല്പ് ലൈന് നമ്പറുകള്-33178494, 55532367. ഇ-മെയില്, norkahelplineqatar@gmail.com.
വാരാന്ത്യ ദിനങ്ങളില് നിയന്ത്രണങ്ങള് കൂടുതല് കര്ശനമാക്കി ഖത്തര്. ഇതനുസരിച്ച് വെള്ളി ശനി ദിവസങ്ങളില് കൂടുതല് വ്യാപാര കേന്ദ്രങ്ങളും അടഞ്ഞു കിടക്കും. ഞായര് മുതല് വെള്ളി വരെയുള്ള ദിവസങ്ങളില് കൂടുതല് അവശ്യസേവന കേന്ദ്രങ്ങള് തുറന്നുപ്രവര്ത്തിക്കും. കഴിഞ്ഞ ദിവസം ചേര്ന്ന മന്ത്രിസഭാ യോഗമാണ് ഇ് സംബന്ധിച്ച് തീരുമാനമെടുത്തത്.
ആപ്പില് നാല് നിറങ്ങളിലായി രോഗം സംബന്ധിച്ച സൂചനകള് തെളിയും. പച്ച തെളിഞ്ഞാല് മൊബൈല് ഉപയോഗിക്കുന്ന വ്യക്തിക്ക് രോഗമില്ല, ആരോഗ്യവാനാണ് എന്നാണ് സൂചന. ഗ്രേ (ചാര നിറം) ആണെങ്കില് കോവിഡ് രോഗമുള്ളയാളുമായി നിങ്ങള് സമ്പര്ക്കം പുലര്ത്തിയിരിക്കാന് സാധ്യതയുണ്ടെന്നാണ് സൂചിപ്പിക്കുന്നത്. മഞ്ഞ നിറമാണെങ്കില് നിങ്ങള് നേരത്തെ ക്വാറന്ന്റൈനില് കഴിഞ്ഞയാളാണെന്നാണ്. ചുവപ്പ് നിറമാണ് ആപ്ലിക്കേഷനില് തെളിയുന്നതെങ്കില് നിങ്ങള് കോവിഡ് രോഗ ബാധിതനാണെന്നാണ് സൂചിപ്പിക്കുന്നത്.
ഖത്തറിലെ ഹോം ഡെലിവറി സര്വീസ് കമ്പനികള്ക്കും ഇ മാര്ക്കറ്റിങ് കമ്പനികള്ക്കും ഖത്തര് വ്യവസായ വാണിജ്യ മന്ത്രാലയം പുതിയ നിബന്ധനകളേര്പ്പെടുത്തി. വീട്ടിലെത്തിച്ചു നല്കുന്ന ഒരു വസ്തുവിന്മേല് പത്ത് റിയാലിലധികം ഡെലിവറി സര്വീസ് ചാര്ജ്ജായി ഈടാക്കരുതെന്നാണ് പ്രധാനപ്പെട്ട നിബന്ധന. കോവിഡ് പ്രതിരോധ പ്രവര്ത്തനങ്ങളുടെ ഭാഗമായി ഏര്പ്പെടുത്തിയ നിയന്ത്രണങ്ങളെ തുടര്ന്നാണ് തീരുമാനം.
പൊതു ഇടങ്ങളിലെ ഒത്തുചേരല് വിലക്ക് ലംഘിക്കുന്നവരെ പിടികൂടാന് തെരുവുകളില് റോബോട്ടുകളുടെ പട്രോളിങ് തുടങ്ങി. അല് അസാസ് എന്നറിയപ്പെടുന്ന റോബോട്ടുകളെയാണ് ഇതിനായി ഉപയോഗിക്കുന്നത്. റോബോട്ടുകളില് ക്യാമറകള് ഘടിപ്പിച്ചിട്ടുണ്ട്. രാജ്യത്തുടനീളമായി റോബോട്ടുകള് പട്രോളിങ് നടത്തും. ആഭ്യന്തര മന്ത്രാലയമാണ് ലംഘകരെ കണ്ടെത്താന് ഹൈടെക് മാര്ഗം ഉപയോഗിക്കുന്നത്.
കോര്ണീഷ്, കഫ്തീരിയകള്, തുടങ്ങിയവയ്ക്ക് മുന്നില് കൂട്ടം കൂടി നില്ക്കുക, വീടിന്റെയോ താമസകേന്ദ്രത്തിന്റെ ടെറസിന് മുകളിലോ പള്ളികള്ക്ക് മുന്നിലോ സംഘം ചേര്ന്ന് പ്രാര്ത്ഥന നടത്തല് തുടങ്ങിയവ വിലക്കിക്കൊണ്ടുള്ള പോസ്റ്റര് മന്ത്രാലയം പുറത്തിറക്കി. ഇത്തരം പ്രവര്ത്തനങ്ങള് കുറ്റകരമാണെന്നും പിടിക്കപ്പെട്ടാല് മൂന്ന് വര്ഷം വരെ തടവു ശിക്ഷയോ രണ്ട് ലക്ഷം റിയാല് പിഴയോ അല്ലെങ്കില് രണ്ടും ഒരുമിച്ചോ അനുഭവിക്കേണ്ടി വരുമെന്നും പോസ്റ്ററില് പറയുന്നു.
