Currency

Saudi Arabia

സൗദി റെയില്‍വ്വേ സര്‍വ്വീസുകളുടെ എണ്ണം വര്‍ദ്ധിപ്പിക്കുന്നു

സൗദി റെയില്‍വ്വേ സര്‍വ്വീസുകളുടെ എണ്ണം അടുത്ത വർഷം മുതൽ വര്‍ദ്ധിപ്പിക്കുന്നു. കഴിഞ്ഞ വര്‍ഷത്തെ അപേക്ഷിച്ച്‌ ട്രെയിന്‍ യാത്രക്കാരിലുണ്ടായ വന്‍ വര്‍ദ്ധന കണക്കിലെടുത്ത് റിയാദ്, ദമാം, ഹുഫൂഫ് എന്നീ നഗരങ്ങള്‍ക്കിടയില്‍ ആഴ്ചയില്‍ 233 പാസഞ്ചര്‍ ട്രെയിന്‍ സര്‍വീസുകള്‍ കൂടി ഉള്‍പ്പെടുത്തുമെന്നാണ് സൗദി റെയില്‍വെ അറിയിച്ചിരിക്കുന്നത്.

സൗദിയില്‍ ആഭ്യന്തര സര്‍വീസ് നടത്തുന്നതിന് നാല് പുതിയ കമ്പനികള്‍ക്ക് അനുമതി

സൗദിയില്‍ ആഭ്യന്തര സര്‍വീസ് നടത്തുന്നതിന് പുതുതായി നാല് കമ്പനികള്‍ക്ക് കൂടി സൗദി വ്യോമയാന മന്ത്രാലയം അനുമതി നല്‍കി. പുതിയ കമ്പനികള്‍ ഒരു വര്‍ഷത്തിനുള്ളില്‍ നിലവില്‍ വരും. സൗദി ഗള്‍ഫ്, നെസ്മ, അദീല്‍, സ്കൈ പ്രൈം എന്നീ കമ്പനികള്‍ക്കാണ് സൗദി വ്യോമയാന മന്ത്രാലയം പുതുതായി അനുമതി നല്‍കിയിരിക്കുന്നത്.

സൗദിയില്‍ മാലിന്യങ്ങള്‍ നീക്കം ചെയ്യുന്നതിന് ഫീസ് ഏര്‍പ്പെടുത്തുന്നു

സൗദിയില്‍ വീടുകളില്‍നിന്നും വ്യാപാര സ്ഥാപനങ്ങളില്‍നിന്നും മാലിന്യങ്ങള്‍ നീക്കം ചെയ്യുന്നതിന് ഫീസ് ഏര്‍പെടുത്താൻ നീക്കം. വീടുകളില്‍ നിന്ന് മാലിന്യങ്ങള്‍ നീക്കം ചെയ്യാന്‍ മാസത്തില്‍ അഞ്ചു മുതല്‍ 50 റിയാല്‍ വരെയാണ് ഫീസ് നിശ്ചയിച്ചിരിക്കുന്നത്.

സൗദിയിൽ തൊഴില്‍ നഷ്ടപ്പെട്ട ഇന്ത്യക്കാര്‍ അടുത്തമാസം മടങ്ങണമെന്ന് സുഷമ സ്വരാജ്

സൗദി: സൗദി അറേബ്യയില്‍ മൂന്ന് കമ്പനികള്‍ പൂട്ടിയതു മൂലം തൊഴില്‍ നഷ്ടപ്പെട്ട ഇന്ത്യക്കാര്‍ അടുത്ത മാസം ഇരുപത്തഞ്ചിനകം നാട്ടിലേക്കു മടങ്ങണമെന്ന് വിദേശകാര്യമന്ത്രി സുഷമ സ്വരാജ് ആവശ്യപ്പെട്ടു. അല്ലാത്തപക്ഷം സ്വന്തം നിലയില്‍ മടങ്ങേണ്ടിവരുമെന്നും സുഷമ സ്വരാജ് അറിയിച്ചു. ട്വിറ്ററിലാണു സുഷമ ഇക്കാര്യം വ്യക്തമാക്കിയത്. കുടിശ്ശിക കിട്ടാനുള്ള എല്ലാവരും ഇക്കാര്യത്തിനുള്ള അപേക്ഷ നല്കണമെന്നും അറിയിച്ചിട്ടുണ്ട്. അതേസമയം തൊഴില്‍ നഷ്ടപ്പെട്ട ഇന്ത്യാക്കാരില്‍ ഒരു വിഭാഗം സൗദിയില്‍ തന്നെ തുടരുകയാണ്. കുടിശ്ശിക തിരികെ ലഭിക്കാതെ മടങ്ങില്ലെന്ന നിലപാടാണു ഇവര്‍ കൈകൊണ്ടിരിക്കുന്നത്. അതിനിടെ, തൊഴില്‍ […]

വീട്ടു വേലക്കാരികളെ പ്രദർശിപ്പിച്ചു വില്പന, പ്രതിഷേധത്തെ തുടർന്ന് കമ്പനിക്കെതിരെ സർക്കാർ നടപടി

റിയാദ്: വീട്ടു വേലക്കായി എത്തിച്ച പെൺകുട്ടികളെ ഷോപ്പിംഗ് മാളിൽ പ്രദർശിപ്പിച്ചു വില്പന നടത്തുന്ന ദൃശ്യങ്ങൾ പുറത്തായതോടെ ലോകമെങ്ങും സൗദിക്കെതിരെ പ്രതിഷേധം. കിഴക്കന്‍ പ്രവിശ്യയിലെ ദഹ്റാനിലെ ഷോപ്പിങ് മാളിലാണ് പെൺകുട്ടികളെ നിരത്തി നിറുത്തി കരാർ ഉറപ്പിച്ചു വിട്ടു നൽകിയത്. തിരക്കുള്ള ഷോപ്പിംഗ് മാളിൽ മൂന്ന് പെൺകുട്ടികളെയാണ് റിക്രൂട്ടിങ് കമ്പനി പ്രദർശിപ്പിച്ചത്. സൗദി തൊഴില്‍, സാമൂഹ്യക്ഷേമ മന്ത്രാലയത്തിന്റെ അനുമതിയുള്ള റിക്രൂട്ടിങ് കമ്പനിയാണ് ഈ പ്രദർശന വില്പന നടത്തിയത്. മന്ത്രാലയത്തിന്‍െറ അനുമതിയുള്ള റിക്രൂട്ടിങ് കമ്പനികള്‍ക്ക് വേലക്കാരെ സൗദിയിലെത്തിച്ചു ആവശ്യക്കാർക്ക് കൈമാറുന്നതിന് സാധിക്കും. […]

ലോകത്തു നിന്നും ഭീകരത തുടച്ചു നീക്കുന്നതിനുള്ള യുദ്ധത്തില്‍ മുന്‍ നിരയില്‍ തന്നെ സൗദി അറേബ്യയുണ്ടെന്ന് കിരീടാവകാശി

റിയാദ്: ഭീകര സംഘടനയായ ഐ.എസിനെ ചെറുക്കുന്നതിന് അന്താരാഷ്ട്ര തലത്തില്‍ നടക്കുന്ന നീക്കങ്ങൾക്കു എല്ലാ പിന്തുണയും നൽകുമെന്ന് സൗദി അറേബ്യ കിരീടാവകാശിയും ആഭ്യന്തര മന്ത്രിയുമായ അമീര്‍ മുഹമ്മദ് ബിന്‍ നായിഫ് വ്യക്തമാക്കി. ലോകത്തു നിന്നും ഭീകരത തുടച്ചു നീക്കുന്നതിനുള്ള യുദ്ധത്തില്‍ മുന്‍ നിരയില്‍ തന്നെ സൗദിയുണ്ടെന്നും അദ്ദേഹം ആവര്‍ത്തിച്ചു. അമേരിക്കന്‍ പ്രസിഡന്‍റിന്‍െറ പ്രത്യേക ദൂതനുമായി ജിദ്ദയിലെ അസ്സലാം കൊട്ടാരത്തില്‍ നടന്ന കൂടിക്കാഴ്ചയിലാണ് അമീര്‍ മുഹമ്മദ് തീവ്രവാദത്തോടുള്ള രാജ്യത്തിന്റെ നയം ആവര്‍ത്തിച്ചത്. ഐ.എസിനെതിരായ ആഗോള സഖ്യത്തിന് പിന്തുണ തേടിയാണ് അമേരിക്കന്‍ […]

ഫർമസി മേഖലയിൽ നിന്ന് വിദേശികളെ ഒഴിവാക്കണമെന്നു സൗദി തൊഴില്‍-സാമൂഹിക ക്ഷേമ വകുപ്പ്, മലയാളികൾ ഉൾപ്പെടെ നിരവധി വിദേശികളുടെ തൊഴിൽ നഷ്ടമാകും

റിയാദ്: ഘട്ടം ഘട്ടമായി ഫർമസി മേഖലയിലും സൗദി വത്കരണം നടപ്പിലാക്കുമെന്ന് തൊഴില്‍, സാമൂഹിക ക്ഷേമ വകുപ്പ് അറിയിച്ചു. തൊഴില്‍ വകുപ്പിന്‍െറ ഒൗദ്യോഗിക വക്താവ് ഖാലിദ് അബ അല്‍ഖൈലാണ് ട്വിറ്റര്‍ അക്കൗണ്ട് വഴി പ്രഖ്യാപനം നടത്തിയത്. ഇതോടെ മലയാളികൾ ഉൾപ്പെടെ നിരവധി വിദേശികളുടെ തൊഴിൽ നഷ്ടമാകും. സൗദിയിലെ നിരവധി മരുന്ന് ഷോപ്പുകളിൽ മലയാളികൾ ജോലി ചെയ്യുന്നുണ്ട്. തൊഴിലില്ലായ്മ കുറക്കുന്നതിനായി സൗദി സർക്കാർ കൊണ്ടുവന്ന “വിഷന്‍ 2030” പദ്ധതിയുടെ ഭാഗമായാണ് ഫർമസി മേഖലയിലും സൗദിവത്കരണം നടപ്പിലാക്കുന്നത്. വാര്‍ത്താ വിനിമയ മേഖലയിലും […]

സ്വദേശിവത്കരണം: സെപ്റ്റംബര്‍ മുതല്‍ മൊബൈല്‍ കടകളിലെ മുഴുവന്‍ ജീവനക്കാരും സൗദികളാകുന്നു

സ്വദേശികളെ നിയമിക്കാത്ത മൊബൈല്‍ കടകൾ അടച്ചു പൂട്ടുന്നത് സൗദിയിൽ തുടരുന്നു. ഇതുവരെ ആയിരത്തോളം മൊബൈല്‍ കടകളാണ് അടച്ചു പൂട്ടിയത്. കടകളില്‍ 50 ശതമാനം ജീവനക്കാര്‍ സൗദികളായിരിക്കണമെന്ന നിയമം റമദാന്‍ ഒന്നുമുതലാണ് പ്രാബല്യത്തില്‍ വന്നത്. നിയമം നടപ്പാക്കുന്നതില്‍ ഭാഗികമായ വീഴ്ച വരുത്തിയ അഞ്ഞൂറിലധികം സ്ഥാപനങ്ങള്‍ക്ക് നോട്ടീസും നൽകിക്കഴിഞ്ഞു.

സൗദി, ഖത്തർ, ബഹ്‌റൈൻ മേഖലകളിൽ ഉഷ്ണക്കാറ്റ് വീശാന്‍ സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ്

റിയാദ്: സൗദി, ഖത്തർ, ബഹ്‌റൈൻ എന്നീ രാജ്യങ്ങളുടെ ചില ഭാഗങ്ങളില്‍ വ്യാഴാഴ്ച വരെ ഉഷ്ണക്കാറ്റ് വീശാന്‍ സാധ്യതയുണ്ടെന്ന് സൗദിയിലെ കാലാവസ്ഥ നിരീക്ഷണ കേന്ദ്രം മേധാവി ഡോ. മന്‍സൂര്‍ ബിന്‍ അതിയ്യ അല്‍മസ്റൂഇ അറിയിച്ചു. കഴിഞ്ഞ ദിവസങ്ങളില്‍ സൗദിയുടെ കിഴക്കന്‍ പ്രവിശ്യയിലും റിയാദിന്‍െറ ചില ഭാഗങ്ങളിലും ഉഷ്ണക്കാറ്റ് വീശീയിരുന്നു. ഇതോടൊപ്പം കടുത്ത ചൂടും അനുഭവപ്പെട്ടിരുന്നു.

Resident Editor, KUWAIT

Jobin ThomasResident Editor, KUWAIT

കുവൈറ്റ് മലയാളികൾക്ക് അവരുടെ വിശേഷങ്ങളും വാർത്തകളും ഗർഷോമിൽ പ്രസിദ്ധീകരിക്കാം. വാർത്തകൾ അയക്കുന്നവർ വാർത്തകളുമായി ബന്ധപ്പെട്ട ഫോട്ടോ / വീഡിയോ കൂടി അയക്കുവാൻ ശ്രദ്ധിക്കുമല്ലോ. വാർത്തകളും വിശേഷങ്ങളും അയക്കേണ്ട വിലാസം jobin@garshom.com

x