500 രൂപയുടെ കൂടുതല്‍ നോട്ടുകള്‍ പുറത്തിറക്കുമെന്ന് സാമ്പത്തികകാര്യ സെക്രട്ടറി

ന്യൂഡല്‍ഹി: നോട്ട് ക്ഷാമം പരിഹരിക്കാന്‍ 500 രൂപയുടെ കൂടുതല്‍ നോട്ടുകള്‍ പുറത്തിറക്കുമെന്ന് സാമ്പത്തിക കാര്യസെക്രട്ടറി ശക്തികാന്ത ദാസ്. അസാധുവാക്കിയതിനു പകരമായി 50% പുതിയ നോട്ടുകള്‍ സമ്പദ്‌വ്യവസ്ഥയിലെത്തിയതായും ശക്തികാന്ത ദാസ് അറിയിച്ചു. റിസര്‍വ് ബാങ്ക് പുറത്തിറക്കുന്ന പുതിയ നോട്ടുകള്‍ കൂടുതല്‍ സുരക്ഷാ ക്രമീകരണങ്ങളുള്ളതാണെന്നും ഇവയുടെ വ്യാജനോട്ടുകള്‍ പുറത്തിറങ്ങാനുള്ള സാധ്യത കുറവാണെന്നും അദ്ദേഹം പറഞ്ഞു.

ഗ്രാമീണ മേഖലയില്‍ നോട്ടുകളെത്തിക്കുന്നതിനാണ് മുന്‍ഗണന. ആവശ്യമുള്ള സ്ഥലങ്ങളില്‍ വിമാനമാര്‍ഗം നോട്ടെത്തിക്കും. തുടക്കത്തിലുണ്ടായിരുന്ന ചഞ്ചാട്ടം വിപണി ഉടന്‍ മറികടക്കും. എടിഎമ്മുകള്‍ വഴിയല്ല നേരിട്ടു പണം നല്‍കാനാണ് ബാങ്കുകള്‍ പ്രാമുഖ്യം നല്‍കുന്നത്. ഇടപാടുകള്‍ സുഗമമാക്കാനും നോട്ടുകള്‍ വിപണിയില്‍ നിലനിര്‍ത്താനും കുറഞ്ഞ തുകയുടെ നോട്ടുകള്‍ കൂടുതല്‍ അച്ചടിക്കാനാണു നീക്കം.