ഗർഷോം ഫൗണ്ടേഷൻ നിർമ്മിച്ച് നൽകിയ വീടിന്റെ താക്കോൽദാനം നിർവഹിച്ചു

കോഴിക്കോട്: കേരളത്തിലെ വെള്ളപ്പൊക്കാനന്തര പുനരധിവാസ പ്രവർത്തനങ്ങളുടെ ഭാഗമായി ഗർഷോം ഫൗണ്ടേഷൻ കോഴിക്കോട് ജില്ലയിലെ കണ്ണപ്പൻകുണ്ടിൽ നിർമ്മിച്ച് നൽകിയ വീടിന്റെ താക്കോൽദാനം ആസ്ട്രേലിയയിലെ വിറ്റൽസി നഗരസഭാ കൗൺസിലർ ടോം ജോസഫ് നിർവഹിച്ചു. തുമ്പത്തുവീട്ടിൽ മൈമുന – ഉമ്മർ എന്നിവർചേർന്നു ഏറ്റുവാങ്ങി.

അബുദാബിയിലെ ആഡ്‌പ്രിന്റ് ഗ്രൂപ്പ് ചെയർമാൻ പി. കെ. അബ്ദുള്ള കോയ, ആർബി സ്ട്രക്ചേർസ് ചീഫ് ഓപ്പറേറ്റിംഗ് ഓഫീസർ ബിജു വർഗീസ്, ഗർഷോം ഫൌണ്ടേഷൻ പ്രസിഡന്റ് ജിൻസ് പോൾ, ബാംഗ്ലൂർ കേരളസമാജം ജനറൽ സെക്രട്ടറി റെജികുമാർ, ഷിജോ ഫ്രാൻസിസ് എന്നിവർ ചടങ്ങിൽ പങ്കെടുത്തു.