ഗർഷോം
രാജ്യത്തെ സ്ത്രീകളുടെ തൊഴിലില്ലായ്മ നിരക്ക് 8.7 ശതമാനമാണ്. പുരുഷന്മാരുടേത് 4.3 ശതമാനവും. 16 കോടിയോളം ഇന്ത്യക്കാര്‍ വർഷം മുഴുവൻ തൊഴിൽരഹിതരാണ്. 10,000 രൂപയില്‍ താഴെ മാത്രം വരുമാനമുള്ള 68 ശതമാനം കുടുംബങ്ങളാണ് രാജ്യത്തുള്ളത്.
ന്യൂഡൽഹി: രാജ്യത്തെ തൊഴിലില്ലായ്മ കഴിഞ്ഞ അഞ്ച് വർഷമായി ഏറ്റവും ഉയർന്ന നിരക്കിലെന്ന് ലേബര്‍ ബ്യൂറോയുടെ റിപ്പോർട്ട്. അഞ്ച് ശതമാനമാണ രാജ്യത്തെ തൊഴിലില്ലായ്മ നിരക്ക്. ഇതിൽ ത്രീകളുടെ തൊഴിലില്ലായ്മ നിരക്ക് 8.7 ശതമാനമാണ്. പുരുഷന്മാരുടേത് 4.3 ശതമാനവും.
മോദി സര്‍ക്കാരിന്റെ മേയ്ക്ക് ഇന്‍ ഇന്ത്യ, സ്റ്റാര്‍ട്ട് അപ് ഇന്ത്യ, ഡിജിറ്റല്‍ ഇന്ത്യ പദ്ധതികള്‍ തൊഴിൽ മേഖലയിൽ കാര്യമായ നേട്ടം ഉണ്ടാക്കിയിട്ടെല്ലെന്നാണ് ഇത് വ്യക്തമാക്കുന്നത്. 10,000 രൂപയില്‍ താഴെ മാത്രം വരുമാനമുള്ള 68 ശതമാനം കുടുംബങ്ങളാണ് രാജ്യത്തുള്ളത്.
തൊഴിലെടുത്ത് ജീവിക്കുന്നവരില്‍ മൂന്നിലൊരാള്‍ ഒരു വർഷം വരെ തൊഴിൽരഹിതരാകാറുണ്ട്. ജോലിയുള്ളവരില്‍ 47 ശതമാനവും സ്വയം തൊഴില്‍ കണ്ടെത്തിയവരാണ്. 2.3 കോടി ആളുകൾക്ക് വർഷത്തിൽ പകുതിവർഷം ജോലി ഉണ്ടാകുമ്പോൾ 16 കോടിയോളം ഇന്ത്യക്കാര്‍ വർഷം മുഴുവൻ തൊഴിൽ രഹിതരായി ഇരിക്കുകയാണെന്നും കണക്കുകൾ വ്യക്തമാക്കുന്നു
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.